मत हाल्न लाइन लागेका ८४ वर्षीय वृद्धको निधन
पाल्पा — मतदानका लागि लाइनमा आउँदै गर्दा पाल्पाको बगनासकाली गाउँपालिकाअन्तर्गत यम्घामा एक वृद्धको निधन भएको छ । बगनासकाली अन्तर्गत यम्घाको अरनिको मावि केन्द्रमा मतदानका लागि आउँदै गर्दा ८४ वर्षीय पूर्णचन्द्र भट्टराईको निधन भएको हो । दम बढेर निधन भएको प्रहरीले जनाएको छ । मुख्य निर्वाचन अधिकृत भरतमणी खनालका अनुसार लाइन लाग्नु पर्दैन तर अगाडि ल्याउँदै गर्दा समस्या देखिएको थियो । केही समयपछि उनको निधन भएको भएको हो ।
प्रकाशित : असार १४, २०७४ १०:०१