१८.१२°C काठमाडौं
काठमाडौंमा वायुको गुणस्तर: १२४

सभामुखले पत्रकार सम्मेलन गर्दै भनिन्, ‘संसदको विशेषाधिकार हनन् भयो’

राजेन्द्र फुयाल

काठमाडौं — सभामुख ओनसरी घर्तीले संसदमा दर्ता भएको महाअभियोग प्रस्ताव छलफलका लागि रोक लगाउँदै सर्वोच्च अदालतले विशेषाधिकार हनन् गरेको आरोप लगाएकी छन् । जेठ ४ गतेसम्मका लागि संसद बैठक स्थगित गरेपछि संक्षिप्त पत्रकार सम्मेलन गर्दै घर्तीले राज्यका सबै अंगहरु आफ्नो सीमाभित्र बस्नुपर्ने बताइन् । ‘

सभामुखले पत्रकार सम्मेलन गर्दै भनिन्, ‘संसदको विशेषाधिकार हनन् भयो’

सभामुख ओनसरी घर्तीले संसदमा दर्ता भएको महाअभियोग प्रस्ताव छलफलका लागि रोक लगाउँदै सर्वोच्च अदालतले विशेषाधिकार हनन् गरेको आरोप लगाएकी छन् ।

जेठ ४ गतेसम्मका लागि संसद बैठक स्थगित गरेपछि संक्षिप्त पत्रकार सम्मेलन गर्दै घर्तीले राज्यका सबै अंगहरु आफ्नो सीमाभित्र बस्नुपर्ने बताइन् । ‘संविधानले सबै अंगको कार्य स्पष्ट गरेको छ,’ उनले भनिन्, ‘सबै संवैधानिक सीमाभित्र रहनुपर्छ भन्ने मेरो मान्यता हो ।’

राज्यका प्रमुख निकायबीच टकराव हुँदा लोकतन्त्रलाई संस्थागत गर्न र आसन्न निर्वाचनलाई असर पार्ने उनको भनाइ छ । ‘सबैले आत्मसमीक्षा, धैर्य र संयमयतापूर्वक निकास निकाल्नु पर्दछ,’ उनले भनेकी छन्, ‘आपसी वार्ता, छलफल र सम्वादमार्फत् ४ गते समस्या समाधान गर्न मैले जेठ ४ गतेसम्मका लागि संसद स्थगित गरेको छु ।’

लिखित मन्तव्य पढेपछि पत्रकारको एउटामात्रै जवाफ दिएर बाहिरिएकी सभामुखले ‘मुलुक गम्भीर परिस्थितिमा रहेकाले’ वार्तामार्फत समाधान खोज्नुपर्नेमा जोड दिइन् ।

प्रकाशित : वैशाख २४, २०७४ १३:१४
प्रतिक्रिया
पठाउनुहोस्
जनताको राय

त्रिभुवन विश्वविद्यालयमा बारम्बार परीक्षार्थीको उत्तरपुस्तिका हराउने गरेको छ। यसको समाधान कसरी हुन्छ?