बसले किच्दा वृद्धको मृत्यु

आश गुरुङ

लमजुङ — राइनास नगरपालिका-६, तीनपिप्लेमा बसले किच्दा मंगलबार दिउँसो एक वृद्धको घटनास्थलमै मृत्यु भएको छ । नारायणगढबाट लमजुङको पूर्वी क्षेत्र बोराङखोला जाँदै गरेको ना ४ ख ९६ नं. को बसले किच्दा राइनास नगरपालिका-११, प्यारजुङका ६९ वर्षीय गंगाराम गुरुङको मृत्यु भएको प्रहरीले जनाएको छ ।

राइनास नगरपालिका-६, तीनपिप्लेमा बसले किच्दा मंगलबार दिउँसो एक वृद्धको घटनास्थलमै मृत्यु भएको छ ।

नारायणगढबाट लमजुङको पूर्वी क्षेत्र बोराङखोला जाँदै गरेको ना ४ ख ९६ नं. को बसले किच्दा राइनास नगरपालिका-११, प्यारजुङका ६९ वर्षीय गंगाराम गुरुङको मृत्यु भएको प्रहरीले जनाएको छ । बसबाट झरेर बाटो क्रस गर्ने क्रममा उक्त बसले चेपेर किच्न पुग्दा वृद्धाको मृत्यु भएको प्रहरीले जनाएको छ ।

ट्राफिक प्रहरी सई कृष्णबहादुर क्षत्रीले सवारी र चालक भरतपुर उपमहानगरपालिका-२१ का २८ वर्षीय कान्छा तामाङलाई प्रहरी चौकी तीनपिप्लेले नियन्त्रणमा लिएको बताए ।

प्रकाशित : फाल्गुन १७, २०७३ १५:३०
प्रतिक्रिया
पठाउनुहोस्

ओप्पोद्वारा स्मार्टफोनका लागि फाइभ एक्स डुअल क्यामेरा जुम सार्वजनिक

कान्तिपुर संवाददाता

काठमाडौं — मोबाइल कम्पनी ओप्पोले ‘फाइभ एक्स डुअल क्यामेरा जुम’ प्रविधिको पहिलो झलक प्रस्तुत गरेको छ । मोबाइल वल्र्ड कङ्ग्रेस (एमडब्ल्यूसी)–२०१७ मा कम्पनीले प्रदर्शित गरेको यो पेरिस्कोप स्टाइल डुअल क्यामेरा, स्मार्टफोनका लागि संसारकै पहिलो भएको दाबी गरिएको छ ।

मोबाइल कम्पनी ओप्पोले ‘फाइभ एक्स डुअल क्यामेरा जुम’ प्रविधिको पहिलो झलक प्रस्तुत गरेको छ ।

मोबाइल वल्र्ड कङ्ग्रेस (एमडब्ल्यूसी)–२०१७ मा कम्पनीले प्रदर्शित गरेको यो पेरिस्कोप स्टाइल डुअल क्यामेरा, स्मार्टफोनका लागि संसारकै पहिलो भएको दाबी गरिएको छ । यो प्रविधिले स्मार्टफोनमा पााच गुणा ‘लसलेस’ जुम क्षमता उपलब्ध गराउँछ । नयाँ प्रविधिमार्फत उपभोक्ताले शक्तिशाली जुम फङसनका साथै ईमेज स्टेबलाइजेसन क्षमताको उपभोग गर्न पाउनेछन् ।

‘फाइभ एक्स डुअल क्यामेरा जुमले स्मार्टफोन फोटोग्राफीको क्षेत्रमा नयाा सम्भावनाको ढोका खुल्ला गरेको छ’, ओप्पाको उपाध्यक्ष तथा ईन्टरनेसनल मोबाइल विजनेसका प्रबन्ध निर्देशक स्काइ लीले भने ‘साथै, नयाँ प्रविधि उपभोक्तालाई तिनको आवश्यकता र चाहनाअनुसार उत्कृष्ट र आकर्षक तस्बिर लिन सघाउने छ ।’

प्रकाशित : फाल्गुन १७, २०७३ १५:०९
पूरा पढ्नुहोस्
प्रतिक्रिया
पठाउनुहोस्