[अपडेट] काठमाडौंबाट भैरहवातर्फ गइरहेको बस त्रिशुलीमा खस्यो- समाचार - कान्तिपुर समाचार
कान्तिपुर वेबसाईट
AdvertisementAdvertisement

[अपडेट] काठमाडौंबाट भैरहवातर्फ गइरहेको बस त्रिशुलीमा खस्यो

एककाे मृत्यु, ८ घाइतेको उद्धार
बसमा ११ जना मात्रै सवार : प्रहरी
शिव पुरी

धादिङ — मुग्लिन–नारायणघाट सडकखण्ड अन्तरगत दाहाखानी-६ गाविसको नाै किलाे नजिक काठमाडाैंबाट भैरहवातर्फ गइरहेकाे यात्रुवाहक बस त्रिशुलीका खसेको छ । दुर्घटनास्थल मुग्लिनबाट किमि नारायणघाट तर्फ पर्छ । बस पौने नौ बजे अासपास नदीमा खसेको प्रहरीले जनाएको छ ।

चितवनका एसपी वसन्त कुँवरका अनुसार काठमाडौंबाट भैरहवातर्फ गइरहेको लु१ख ७३९१ नम्बरकाे बस त्रिशुलीमा खसेको हो । अाठजना घाइतेको प्रहरीले उद्धार गरेको छ भने एककाे मृत्यु भएकाे छ । 'बस नदीमा अाधी डुबेकाे अवस्थामा छ । हामीले भित्र पसेर हेर्‍याै‌ं अन्य यात्रु पाएनाै‌,' उनले भने, 'त्यसैले बसमा ड्राइभर र सहचालक गरि ११ जना मात्रै सवार रहेकाे देखियाे । थप अनुसन्धान गर्दै छाैं । ' प्रहरीका अनुसार मृतककाे पहिचान भएकाे छैन ।

यसैबीच, नारायणगढ–मुग्लिन सडकखण्डअन्तर्गत चण्डीभञ्ज्याङ–६ कालीखोलामा आज बिहान सवा १ बजे अज्ञात सवारी साधनले ठक्कर दिँदा एक युवतीको मृत्यु भएको छ ।

अन्दाजी १८ वर्षीया ती युवतीको पहिचान खुल्न नसकेको र सवारीसाधनको खोजी भइरहेको प्रहरीले जनाएको छ ।

प्रकाशित : कार्तिक २, २०७३ २१:३५
प्रतिक्रिया
पठाउनुहोस्

रेडियो धादिङको प्रसारण नरोक्न सर्वोच्चको आदेश

कान्तिपुर संवाददाता

काठमाडौं — सर्वोच्च अदालतले रेडियो धादिङको प्रशारण अवरुद्ध हुने कुनैपनि क्रियाकलाप नगर्न अल्पकालीन आदेश जारी गरेको छ । न्यायाधीश आनन्दमोहन भट्टराईको एकल इजलासले मंगलबार जिल्ला वन र प्रशासन कार्यालयलाई रेडियो प्रशारणमा अवरोध हुने कुनै कार्य नगर्न/नगराउन आदेश दिएको हो ।

सर्वोच्चले दुवै पक्षलाई कात्तिक १० मा छलफलका लागि बोलाएको छ । 

सामुदायिक वनको जग्गा मिचेर भवन बनाएको भन्दै प्रशासनले रेडियो प्रशारण अवरुद्ध गरेको थियो । तर, प्रक्रियाअनुसारै रेडियो सञ्चालन गरेकाले प्रशासन र वनको निर्णय गैरकानुनी भएको भन्दै रेडियो सञ्चालन गर्ने ग्रामीण सहकारीका उपाध्यक्ष सुवास खतिवडाले सर्वोच्च अदालतमा रिट दर्ता गरेका थिए । अदालतले यसअघिको निवेदनलाई पनि सँगै पेस गर्न आदेश दिएको छ । 

प्रकाशित : कार्तिक २, २०७३ २१:२८
पूरा पढ्नुहोस्
प्रतिक्रिया
पठाउनुहोस्
×