सरकार परिवर्तनको प्रयास जायज: शेखर कोइराला- समाचार - कान्तिपुर समाचार
कान्तिपुर वेबसाईट
AdvertisementAdvertisement

सरकार परिवर्तनको प्रयास जायज: शेखर कोइराला

'ओली सरकार पूर्णतः असफल'
कान्तिपुर संवाददाता

काभ्रे — नेपाली कांग्रेस केन्द्रीय सदस्य शेखर कोइरालाले सरकार परिवर्तनको प्रयासलाई जायज भनेका छन् । उनले एमाले अध्यक्ष केपी शर्मा ओली नेतृत्वको सरकार पूर्णतः असफल भइसकेको आरोप लगाए ।

'प्रमुख प्रतिपक्षीले तेस्रो ठूलो दलको सहयोगमा सरकार परिवर्तन गर्न खोज्नु जायज हो,' उनले भने 'लोकतान्त्रिक प्रणालीमा राष्ट्रिय सहमति भन्ने हुँदैन, एक न एक प्रतिपक्षमा बस्नै पर्छ ।'
पार्टीको धुलिखेल नगर समितिले आयोजना गरेको शुभकामना आदानप्रदान तथा प्रशिक्षण कार्यक्रममा बोल्दै उनले बामपन्थी बर्चस्व भएको मुलुकमा मात्र प्रतिपक्षी बिना सरकार संचालन हुनसक्ने बताए ।
संविधान कार्यान्वयन अहिलेको चुनौती भएको भन्दै उनले त्यसका लागि मधेश, आदिवासी जनजाति आदिको माग सम्बोधन गर्नुपर्ने बताए । मधेशको समस्यालाई भारतको आँखाबाट हेर्ने प्रवृती गलत भएको भन्दै त्यसले देशलाई नै अप्ठ्यारो पार्ने दाबी गरे ।
उनले मधेशको समस्या समाधान गर्न सरकार उदासीन रहेको आरोप लगाउँदै कांग्रेसको नेतृत्वमा मात्रै समाधान हुने जिकिर गरे ।
फरक प्रसंगमा भारतका लागि नेपाली राजदुतलाई फिर्ता बोलाइनुले सरकारको 'हैसियत' प्रष्ट भइसकेको दाबी गरे ।

 

प्रकाशित : वैशाख २५, २०७३ १६:३१
प्रतिक्रिया
पठाउनुहोस्

खेलकुद पत्रकार मञ्चमा नयाँ नेतृत्व, महेश आचार्य अध्यक्ष

कान्तिपुर संवाददाता

काठमाडौं — नेपाल खेलकुद पत्रकार मञ्चमा महेश आचार्यको अध्यक्षतामा नयाँ नेतृत्व चयन भएको छ । दुई उपाध्यक्षबाहेक सबै पद निर्विरोध भएको हो ।प्रथम उपाध्यक्षमा दुर्गानाथ सुवेदी निर्विरोध निर्वाचित भए ।

नेपाल खेलकुद पत्रकार मञ्चमा महेश आचार्यको अध्यक्षतामा नयाँ नेतृत्व चयन भएको छ । दुई उपाध्यक्षबाहेक सबै पद निर्विरोध भएको हो ।

प्रथम उपाध्यक्षमा दुर्गानाथ सुवेदी निर्विरोध निर्वाचित भए ।

उपाध्यक्षमा सञ्जीव सिल्पकार र त्रिलोचन राजोपाध्याय मतदानमार्फत निर्वाचित भए । सिल्पकारले ४२ र राजोपाध्यायले ४० मत पाए । पराजित भएका सरिता श्रेष्ठले ३० र निरञ्जन अधिकारीले १५ मत पाए । ६७ मत खसेकोमा एक मत बदर भएको निर्वाचन समितिले जनाएको छ ।

महासचिव प्रकाश तिमल्सिना, सचिव राजु घिसिङ र कोषाध्यक्षमा प्रज्जवल ओली निर्विरोध निर्वाचित भए ।

कार्यसमिति सदस्यहरुमा गोविन्द रेग्मी, आदर्श ढकाल, अञ्जन खड्का र कमल खत्री पनि निर्विरोध निर्वाचित भएका छन् ।

प्रकाशित : वैशाख २५, २०७३ १६:२९
पूरा पढ्नुहोस्
प्रतिक्रिया
पठाउनुहोस्
x
×