यसरी खुलाइँदैछ चीन नाका (फोटो फिचर)- समाचार - कान्तिपुर समाचार

यसरी खुलाइँदैछ चीन नाका (फोटो फिचर)

ऋषिराम पौड्याल

तातोपानी(सिन्धुपाल्चोक) — दक्षिणी सीमामा अघोषित नाकाबन्दी भइरहेका बेला भूकम्पका कारण पॉच महिनादेखि बन्द चीनस‘ग जोडिएको तातोपानी नाका जोड्ने सडक मर्मतलाई तीब्र बनाइएको छ । एकतर्फी ट्रयाक मितेरी पुलको करिव डेढ सय मिटर नजिकै पुर्‍याइएको छ ।

ठूला—ठूला चट्टान सडकमा थुप्रैकाले सीमा नजिकैको लिपिङ बजारमा बढी समस्या देखिएको छ ।

अहिले सडक विभाग, स्थानीय प्रशासन र व्यापारिक संघसस्थालाई मर्मत संभारमा सघाउन सीमा क्षेत्रमा केन्द्रित गरिएको छ । सडक विभागका महानिर्देशक माधव कार्कीका अनुसार बाह्रविसे—तातोपानी खण्डको २६ किमी सडकमा ब्रेकर, डोजर, स्क्याभेटर, लोडर तथा जेसीभीसमेत नौ वटा मेशिनले पहिरो पन्छाउने र चट्टान फोर्ने काम गरिरहेका छन् ।

‘वर्षात नहु‘दा सीमाको तीन किमी नजिकसम्म सार्वजनिक यातायातनै चलिसकेको छ,’ सडक निर्माणमा संलग्न चरिकोट डिभिजन कार्यालयका इन्जिनियर रामबहादुर गुरुङले भने, ‘फेरि पनि मेसिन थप्दै छौं ।’ सडकको बाह्रविसेबाट सिरसिरे, जम्बू, सखुवा, झ्यालेभीर, चाकू, डाकलाङ, झिर्पु, हिन्दी, लार्चा, दशकिलो, पार्किङ तथा लिपिङ बजारमा बढी समस्या देखिएको छ । एकोहोरो ट्रयाक लिपिङ पुर्‍याइएको छ । गुरुङ भन्छन्, ‘सवै भन्दा ठूलो पहिरो लिपिङमा बढी समस्या छ । सडकको माथिल्लो भागबाट आएको पहिरोले भन्सार आसपासका घरहरु समेत पुरिएका छन् ।’
 
बुधबार प्रमुख जिल्ला अधिकारी बलभद्र गिरीको अध्यक्षतामा लिपिङमा भएको भेलामा स्थानीयले तत्काल सडक खुलाउन आफूहरुले सक्दो सहयोग गर्ने बताएका छन् ।

प्रकाशित : आश्विन १३, २०७२ १९:५८
प्रतिक्रिया
पठाउनुहोस्

नेपालगन्ज नाकाबाट ५ ट्यांकर इन्धन

ठाकुरसिंह थारु

जमुनाहा (बाँके) — भारतीय सुरक्षाकर्मीले नेपालगन्ज-रुपैडिहा नाकाबाट बुधबार साँझ साढे ६ वजे ३ ट्यांक पेट्रोल ५२ केएल -५२ हजार लिटर, २ ट्यांक हवाई इन्धन (एटीएफ) नेपालगन्ज भित्रिन दिएका छन् ।

दिउँसो सिमन्ेट, साईकल, थ्रेसर मेसिनलगायतका तीन मालबाहक ट्रक नेपालगन्ज भित्रिएका छन् । मंगलबार राति राति २ ट्यांकर हवाई इन्धनसहित ३६ वटा मालबाहक ट्रक नेपाल भित्रिएका थिए । २४ घण्टामा पेट्रोलिम पदार्थसहित करिव ५० मालबाहक ट्रक भारतीय सुरक्षाकर्मीे छोडेका हुन ।
नेपालगन्जस्थित नेपाल आयल निगम क्षेत्रीय कार्यालयका प्रमुख श्रीचन्द्र श्रेष्ठले पेट्रोलिम पदार्थको गाडी भारतले छोडेपछि राति नै भन्सार गराइरहेको बताए । उनले पेट्रोलको स्टक सकिएका बेला त्यसले एक दिनलाई भएपनि केही राहत मिल्ने बताए । भारतले अघोषित नाकाबन्दी गरेपछि गत बिहीबारदेखि यता ६ ट्यांकर डिजल, ३ ट्यांकर पेट्रf]mेर चार ट्यांकर हवाई इन्धन भित्रिएको उनले बताए । 'निकै थोरै परिणाममा पेट्रोल आएको छ । मध्यपश्चिमका पहाठी जिल्लाबाट माग आइरहेको छ,' उनले भने,'आएको पेट्रोल नेपालगन्जका पेट्रोलपम्पलाई पुग्दैन । पहाडी जिल्लामा पठाउन मुस्किल छ ।'
भारतीय सुरक्षाकर्मीहरुले अझै पनि पेट्रोलिम पदार्थका ३६ ट्यांकर र २५ बुलेट ग्याससहित १ सय २० मालबाहकरुपैडिहामा रोकेका छन् । पारी रोकिएका पेट्रोलियम पदार्थका ट्यांकर छोड्न आग्रह गरिरहेको निगमले जनाएको छ ।

 

प्रकाशित : आश्विन १३, २०७२ १९:५७
पूरा पढ्नुहोस्
प्रतिक्रिया
पठाउनुहोस्
×