संविधान जलाउन लाग्दा झडप, प्रहरीको गोली लागी ६ घाइते- समाचार - कान्तिपुर समाचार
कान्तिपुर वेबसाईट
AdvertisementAdvertisement

संविधान जलाउन लाग्दा झडप, प्रहरीको गोली लागी ६ घाइते

शिव पुरी

रौतहट — संविधान जलाउन गाउँगाउँबाट भेलाभएका आन्दोलनकारी र प्रहरीबीच सोमबार गरुडा बजारमा भएको झडपमा गोली लागी ६ घाइते भएका छन् । उनीहरुको अवस्था खतरामुक्त रहेको छ ।

प्रहरीले चलाएको रबरको गोली लागी प्रदर्शनकारी घाइते भएका हुन् । घाइतेको स्थानीय स्वास्थ्य केन्द्रमा उपचार भइरहेको छ ।

गरुडाको मैथुर चोकमा संविधान जलाउन लाग्दा भएको झडपमा प्रहरीको गोली लागी गरुडा–४ का अशोक साह, अरविन्द राय यादव, सिकित राय, इन्द्रदेव पण्डित लगायत ६ जना घाइते भएका छन् ।

उनीहरुको स्थानिय बीके मेडिकल र अनामिका क्लिनिकमा उपचार भइरहेको छ । मुख, खुट्टा र शरीरका विभिन्न भागमा रबर गोली लागी घाइते भएका हुन् । अहिले गरुडामा कर्फ्यु लगाइएको छ । त्यहाँ अहिले फाटफुट झडप भइरहेको छ ।

प्रकाशित : आश्विन ४, २०७२ १८:३४
प्रतिक्रिया
पठाउनुहोस्

संविधानको उपलक्ष्यमा राष्ट्रबैंकले सिक्का निकाल्ने

कान्तिपुर संवाददाता

काठमाडौं — नेपाल राष्ट्र बैंकले नेपालको संविधान २०७२ घोषणा भएको उपलक्ष्यमा २००० र १०० का स्मारिका सिक्का निकाल्ने भएको छ ।



बैंकले सोमबार विज्ञप्ति प्रकाशित गर्दै संविधान घोषणा भएको ऐतिहासिक अवसरको सम्झनामा रु, २००० दरका चाँदिका र १०० दरका क्यूप्रोनिकेल (तामा र निकेल) स्मारिका सिक्का निष्कासन तथा बिक्री वितरण गर्ने जनाएको हो ।

 

प्रकाशित : आश्विन ४, २०७२ १८:१८
पूरा पढ्नुहोस्
प्रतिक्रिया
पठाउनुहोस्
×