दोलखाका विभिन्न स्थानमा विवादपछि प्रहरीबाट हवाइफायर, केही केन्द्रमा मतदान रोकियो

झुलेको अमर मावि मतदान केन्द्र तथा जिरी-९ मा विवाद बढेपछि प्रहरीले एक राउन्ड हवाइफायर गरेको छ भने मतदान पनि स्थगित भएको छ । यस्तै वैतेश्वर-२ मा पनि विवादपछि मतदान स्थगित छ । वैतेश्वर-६ मा भने सत्ता गठबन्धनका कार्यकर्ताले मतदान केन्द्रलाई कब्जामा लिएर एक पक्षीय रुपमा मतदान गरिरहेको एमाले कार्यकर्ताले आरोप लगाएका छन् । विवाद भएको मलपेटिका लत्तिले हानेर फुटाएको र मतपत्र बाहिर पोखिएको बताइएको छ । यसलाई सुरक्षानिकायले भने पुष्टि गरेको छैन ।

तामाकोशीको गोल्मेश्वर मावि मतदान केन्द्रमा विवादपछि केहीबेर स्थगित भएको मतदान पुन: सुरु भएको छ ।