२३.१२°C काठमाडौं
काठमाडौँ — सामाजिक सञ्जालमा फेक अकाउण्ट बनाएर महिलाको फोटो दुरुपयोग गरी चरित्र हत्या गर्ने एक व्यक्तिलाई प्रहरीले पक्राउ गरेको हो । प्रहरीले बर्दियाको गेरुवा गाउँपालिका-६ स्थायी घर भई हाल काठमाडौंको बुढानीलकण्ठ नगरपालिका-१० कपन बस्ने २३ वर्षीया सुस्मिता थारुलाई पक्राउ गरेको हो ।
सामाजिक सञ्जालबाट पीडित युवतीको फोटो डाउनलोड गरी 'कल गर्ल' नामको फेक अकाउण्ट बनाई मानसिक तनाव दिएको र चरित्र हत्या गरेको उजुरीका आधारमा नेपाल प्रहरीको साइबर ब्यूरोले थारुलाई पक्राउ गरेको हो ।
उनलाई काठमाडौं जिल्ला अदातलबाट ७ दिनको म्याद थप गरी अनुसन्धान अघि बढाइएको साइबर ब्युरोका प्रवक्ता प्रहरी उपरीक्षक दिपकराज अवस्थीले जानकारी दिए ।
प्रकाशित : श्रावण २३, २०८१ १७:३९
