कालोपुलमा २० वर्षीय युवकको शव भेटियो : हत्या आरोपमा श्रीमती र अर्का एक पुरुष पक्राउ

उनी कालोपुलस्थित दयालक्ष्मी महर्जनको घरमा डेरा गरी बस्दै आएका थिए । धारिलो हतियार प्रहार गरी हत्या गरेको र झुण्ड्याइएको अवस्थामा उनको शव भेटिएको काठमाडौं जिल्ला प्रहरी परिसरका प्रवक्ता एसपी नवराज अधिकारीले जानकारी दिए ।

प्रहरीका अनुसार आइतबार बिहान साढे १० बजे उनको शव फेला परेको थियो । प्रेमको हत्यामा संलग्न भएको आशंकामा उनकै श्रीमतीसहित दुई जनालाई प्रहरीले नियन्त्रणमा लिएको छ ।

पक्राउ पर्नेहरुमा मृतक महतकी श्रीमती ओखलढुंगाको मानेभन्ज्याङ गाउँपालिका–९ माधवपुर घर भएकी २४ वर्षीया उषा सार्की र सोही ठाउँका २७ वर्षीय मदन रम्तेल छन् ।

प्रेमको शव पोष्टमार्टमका लागि त्रिवि शिक्षण अस्पताल पठाइएको छ ।