२६.१२°C काठमाडौं
काठमाडौंमा वायुको गुणस्तर: ३९०

नक्कली नोट कारोबारी दुई पक्राउ

काठमाडौँ — जाली नोटको कारोबारको आरोपमा प्रहरीले दुई जनालाई प्रहरीले पक्राउ गरेको छ । काठमाडौंको कालोपुल क्षेत्रमा नेपाली खोटा (जाली/नक्कली) मुद्रा चलनचल्तीमा ल्याउन लागेको गोप्य सूचनाको आधारमा काठमाडौं उपत्यका अपराध अनुसन्धान कार्यालयले उनीहरुलाई पक्राउ गरेको हो ।

नक्कली नोट कारोबारी दुई पक्राउ

प्रहरीकाअनुसार पक्राउ पर्नेहरुमा रामेछाप खाँडा देवी गाउँपालिका–८ घर भई काठमाडौं मालकबारी बस्ने ३४ वर्षीय छिरिङ लामा र दोलखा भिमेश्वर नगरपालिका–७ घर भई सतुङगल बस्ने २४ वर्षीय सुरेन्द्र कार्की छन् ।

उनीहरुलाई बुधबार साँझ कालोपुलबाट पक्राउ गरेको काठमाडौं उपत्यका अपराध अनुसन्धान कार्यालयका प्रवक्ता एसपी सोमेन्द्र सिंह राठौरले बताए । उनीहरुको साथबाट प्रहरीले खोटा (नक्कली) जस्तो देखिने १ हजार रुपैयाँ दरको नेपाली नोट ६३६ थान (६ लाख ३६ हजार रुपैयाँ) र नोटको साईजमा काटेको कागजको बण्डल ९ थान बरामद गरेको छ ।

उनीहरुलाई मुलुकी अपराध सहिंता, २०७४ को परिच्छेद २२ को मुद्रासम्बन्धी कसुरमा थप अनुसन्धानका लागि जिल्ला प्रहरी परिसर टेकु पठाइएको एसपी राठौरले जानकारी दिए ।


प्रकाशित : चैत्र २, २०७९ २२:४०
प्रतिक्रिया
पठाउनुहोस्
जनताको राय

सुख्खा मौसम सुरुभएसँगै डढेलो र आगलागी घटना व्यापक बढेका छन् । वर्षेनी हुने यस्ता घटनाबाट धेरै क्षति हुन नदिन के गर्नुपर्छ ?