साइकल चलाउने संस्कृति प्रवर्द्धन गर्न शनिबार साइकल र्याली हुँदै
काठमाडौँ — साइकल चलाउने संस्कृतिको प्रवर्द्धन गर्ने उद्देश्यले शनिबार सेन्ट जेभियर्स कलेज सेट काउन्सिलले साइकल र्याली गर्ने भएको छ । 'सृष्टिको लागि सवारी, नवप्रवर्तनको लागि सवारी' भन्ने नाराका साथ यही माघ २१ गते शनिबार काउन्सिलले नवौं साइकल र्यालीको आयोजना गर्न लागेको हो ।
माइतीघरबाट सुरु भएर ललितपुरकको लुभु हुँदै काठमाडौंका विभिन्न स्थानममा पुगेर पुनःमाइतीघरमा रहेको कलेज परिसरमा आएर र्याली समापन हुने आयोजकले जनाएको छ ।
हावीर पुनले स्थापना गरेको नेशनल इनोभेसन सेन्टरसँगको सहकार्यमा सेट काउन्सिलले समझदारी गरेको छ ।
नेपालमा भएको प्राविधिक विकासमा सक्रिय रूपमा संलग्न युवाहरूलाई साइकलप्रति आकर्षण बढाएर सहयोग गर्नु र्यालीको मुख्य उद्देश्य रहेको आयोजकले जनाएको छ ।
र्यालीबाट साइकल चलाउने संस्कृतिको प्रवर्द्धन गर्दै स्वस्थ जीवनशैली प्रवर्द्धन गर्न र कोभिड–१९ को प्रभावपछि जनतामा सामान्यताको अनुभूति ल्याउन पनि मद्दत गर्ने आयोजकले विश्वास लिएको छ । र्यालीमा करिब ६ सय जनासम्म सहभागी हुने बताइएको छ ।
