घूससहित खाद्य प्रविधि विभागका इन्जिनियर पक्राउ
काठमाडौँ — खाद्य प्रविधि तथा गुण नियन्त्रण विभागका इन्जिनियर १ लाख ५० हजार घूस रकमसहित पक्राउ परेका छन् । अख्तियार दुरुपयोग अनुसन्धान आयोग टंगालबाट खटिएको टोलीले विभागबाट बाहिरने क्रममा इन्जिनियर योगेन्द्र ढुंगेललाई बिहीबार पक्राउ गरेको जनाएको छ ।
खानेपानी जार तथा मिनरल वाटर भरी बिक्री वितरणका लागि अनुज्ञापत्र लिन पुगेका सेवाग्राहीसँग इन्जिनियर ढुंगेलले समयमा काम नगरी दु:ख दिने र काम गरिदिएबापत १ लाख ५० हजार रुपैयाँ घूस रकम लिएको पुष्टि भएपछि नियन्त्रण लिएको अख्तिायरले जनाएको छ ।
झापा दपक नगरपालिका-१ भाङ्वारी घर भई हाल भक्तपुर सुर्यविनायक नगरपालिका-२ बालकोट आएका ढुंगेल आठौं तहका इन्जिनियर हुन् ।
प्रतिक्रिया