काठमाडौं उपत्यकामा निर्वाचनका दिन सार्वजनिक सवारी नचल्ने- उपत्यका - कान्तिपुर समाचार

काठमाडौं उपत्यकामा निर्वाचनका दिन सार्वजनिक सवारी नचल्ने

रासस

काठमाडौँ — प्रतिनिधिसभा र प्रदेशसभा निर्वाचनका दिन मंसिर ४ गते काठमाडौं उपत्यकमा सार्वजनिक सवारी साधन सञ्चालन नहुने भएका छन् । निर्वाचमा शान्ति सुरक्षालाई दुष्टिगत गरी काठमाडौं, ललितपुर र भक्तपुरमा सवारी साधन सञ्चालनमा रोक लगाइएको हो ।

तीन जिल्लाका प्रमुख जिल्ला अधिकारी (प्रजिअ) को बुधबार बसेको संयुक्त बैठकले मतदानका दिन निर्वाचन आयोगको मापदण्डअनुसार सवारी सञ्चालनमा रोक लगाउने निर्णय भएको काठमाडौंका प्रजिअ घनश्याम उपाध्यायले जानकारी दिए ।

निर्वाचन आयोगले मापदण्ड तोकेका र पास भएका सवारी साधनबाहेक अन्य सार्वजनिक सवारी साधन नचल्ने उनले उल्लेख गरे । मतदानका दिन बिहान ४ गतेदेखि बेलुकी ७ बजेसम्म उपत्यकामा सवारी आवागमन बन्द गर्ने निर्णय गरिएको हो ।

बैठकले सवारी साधनको व्यवस्थापन गर्ने, मदिराको ओसारपसार, बिक्रीवितरण र सेवनमा रोक लगाउने बैठकले निर्णय गरेको छ । अत्यावश्यक सेवाबाहेक मंसिर १ र २ गते तीनवटै जिल्ला प्रशासनको सेवा बन्द गर्ने निर्णय गरिएको उनको भनाइ छ । खानेपानी, विद्युत्, एम्बुलेन्स, दमकलजस्ता अत्यावश्यक सवारी साधन भने सञ्चालन हुनेछन् ।

प्रकाशित : कार्तिक ३०, २०७९ १९:२२
प्रतिक्रिया
पठाउनुहोस्

नेपालको जितमा अन्जनको निर्णायक गोल 

हिमेश

काठमाडौँ — नेपालले पाकिस्तानविरुद्ध बुधबार दशरथ रंगशालामा भएको मैत्रीपूर्ण अन्तर्राष्ट्रिय खेल १-० ले जितेको छ । त्यस जितमा अन्जन विष्टले ८३ औं मिनेटमा निर्णायक गोल गरे ।

गोलरहित पहिलो हाफमा दुवै टिमले उल्लेखनीय आक्रमण बुन्न सकेन । नेपालले खेल नियन्त्रणमा राखे पनि निर्णायक प्रदर्शन गर्न सकेन । दोस्रो हाफमा सब्टिच्युट खेलाडीका रुपमा आभास लामिछानेले डेब्यु गरे ।

दोस्रो हाफमा पनि दुवै टिमको आक्रमण कमजोर रह्यो । तर खेल सकिन सात मिनेट अगाडि सुनील बलको पासमा अन्जनले नजिकको दूरीबाट गोल गरे । नेपालका लागि यो उनको ११ औं गोल हो ।

नेपालले रोहित चन्दको नेतृत्व खेलेको यो पहिलोपल्ट हो । दशरथ रंगशालामा नेपालको यो ऐतिहासिक ५० औं खेल हो । प्रशिक्षक प्रवेश कटुवालले नेपाली टिम सम्हालेको पनि पहिलो अवसर हो ।

यस्तै पाकिस्तानले फिफाको निलम्बनपछि खेलेको यो नै पहिलो आधिकारिक खेल हो । प्रतिबन्धको कारण पाकिस्तान तीन वर्ष आधिकारिक फुटबलवाट बाहिर रहेको थियो ।

प्रकाशित : कार्तिक ३०, २०७९ १९:०४
पूरा पढ्नुहोस्
प्रतिक्रिया
पठाउनुहोस्
×