ललितपुरको बागडोलमा बस दुर्घटना, ८ जना घाइते- उपत्यका - कान्तिपुर समाचार
कान्तिपुर वेबसाईट
AdvertisementAdvertisement

ललितपुरको बागडोलमा बस दुर्घटना, ८ जना घाइते

कान्तिपुर संवाददाता

काठमाडौँ — ललितपुर महानगरपालिका–४ बागडोलमा बस दुर्घटना हुँदा ८ जना घाइते भएका छन् । सोमबार एकान्तकुनाबाट बल्खुतर्फ गइरहेको बा ३ ख २७१८ नम्बरको बस बागडोलमा दुर्घटना भएको जिल्ला प्रहरी परिसर ललितपुरले जनाएको छ ।

गुडिरहेको बस अनियन्त्रित भई दुर्घटनामा परेको प्रहरीले जनाएको छ ।

बस दुर्घटनामा नवलपरासी कावासोती नगरपालिका–२ घरभई कलंकी बस्ने २५ वर्षीय सुगम थापा, काठमाडौं किर्तिपुर नगरपालिका–८ की ३३ वर्षीया सुनिता श्रेष्ठ, सुनसरी धरान उपमहानगरपालिका–२० घरभई कीर्तिपुर बस्ने ३३ वर्षीया सन्ध्या राई, दोलखा घरभई किर्तिपुर बस्ने ३० वर्षीया सबिना खड्क, ललितपुर महानगरपालिका–१४ नखिपोटका ३० वर्षीय उद्देश्य वाग्ले, सिन्धुपाल्चोक घरभई ललितपुर धोविघाट बस्ने ५९ वर्षीय जितबहादुर पोखरेल, रामेछाप घरभई भक्तपुर सूर्यविनायक बस्ने ४५ वर्षीय खड्गबहादुर थापा र काठमाडौं कलंकीका ६७ वर्षीय खिलबहादुर भण्डारी घाइते भएका छन् ।

घाइते सबैको सानेपास्थित स्टार अस्पतालमा उपचार भइरहेको जिल्ला प्रहरी परिसर ललितपुरका प्रवक्ता एसपी सुधिरराज शाहीले बताए । घाइते सबैको अवस्था सुधारोन्मुख रहेको उनले बताए ।

प्रकाशित : श्रावण ३०, २०७९ १७:०९
प्रतिक्रिया
पठाउनुहोस्

बीओकेका ग्राहकलाई मानसरोवर पार्क एण्ड रिसोर्टमा १०% छुट

कान्तिपुर संवाददाता

काठमाडौँ — बैंक अफ काठमाण्डू (बीओके) र मानसरोवर मनोरञ्जन पार्क एण्ड रिसोर्टबीच बैंकको डेबिट, क्रेडिट कार्ड तथा मोबाइल बैंकिङ्गबाट क्यूआर कोड स्क्यान गरी भुक्तानी गर्दा १० प्रतिशत छुट दिने सम्झौता भएको छ । 

सम्झौता पश्चात् ग्राहकले मानसरोवर मनोरञ्जन पार्क एण्ड रिसोर्ट मा उपलब्ध हुने सेवाहरुमा एकमुष्ट १० प्रतिशत छुट पाउने छन् । उक्त छुटको उपयोग गर्नको लागि ग्राहकले बैंकको कार्ड तथा मोबाइल बैंकिङ्गको प्रयोग गरी भुक्तानी गर्नुपर्नेछ । मानसरोवर मनोरञ्जन पार्क एण्ड रिसोर्टले बाँकेको नेपालगञ्जबाट सेवा दिँदै आएको छ । हाल बैंकका १०३ शाखा कार्यालयहरु, ९८ एटीएम तथा १० एक्स्टेन्सन काउन्टर सञ्चालनमा छन् ।


प्रकाशित : श्रावण ३०, २०७९ १७:०४
पूरा पढ्नुहोस्
प्रतिक्रिया
पठाउनुहोस्
x
×