फोहोर बोकेर बञ्चरेडाँडा पुगेका गाडी रोकिए- उपत्यका - कान्तिपुर समाचार

फोहोर बोकेर बञ्चरेडाँडा पुगेका गाडी रोकिए

कान्तिपुर संवाददाता

काठमाडौँ — उपत्यकाको फोहोर बोकेर बञ्चरेडाँडामा पुगेका सवारीसाधन बीच बाटोमै अलपत्र परेका छन् । धुनीबेंसी–१ मा फोहोर बिसर्जन गरिसकेका र लिएर गएका गाडी त्यहाँका राजनीतिक दलका प्रतिनिधिहरुले रोकिदिएका हुन् ।

बिहान ४ बजे काठमाडौंबाट छुटेका ६५ गाडीलाई फोहोर बिसर्जन गरिसकेपछि काठमाडौं फर्कन नदिइएको र पछि पुगेका झन्डै सय वटा गाडीलाई धुनीबेंसी–१ मा रोकिएको महानगरको वातावरण व्यवस्थापन विभाग ल्यान्डफिल साइटका इन्जिनियर सरकारदीप श्रेष्ठले जानकारी दिए ।

आइतबार कांग्रेस, माओवादी र नेकपा एसका धुनिबेंसी-१ वडा समितिले पार्टी नगरसमितिलाई संयुक्तरुपमा पत्र लेख्दै बन्चरेडाँडामा फोहोरमैला दीर्घकालीन रुपमा बन्द गर्न आग्रह गरेका थिए ।

प्रकाशित : श्रावण ३०, २०७९ ११:०२
प्रतिक्रिया
पठाउनुहोस्

निर्वाचन सुरक्षा तयारीका लागि सिंहदरबारमा केन्द्रीय सुरक्षा समितिको बैठक सुरु

कान्तिपुर संवाददाता

काठमाडौँ — आगामी प्रतिनिधिसभा र प्रदेश सभा निर्वाचनको सुरक्षा तयारीका लागि सिंहदरबारमा केन्द्रीय सुरक्षा समितिको बैठक सुरु भएको छ । गृहमन्त्री बालकृष्ण खाँणको अध्यक्षतामा गृहसचिव टेकनारायण पाण्डे र रक्षासचिव किरण शर्मासहित चारवटै सुरक्षा निकायका उच्च अधिकारी सम्मिलित बैठक गृह मन्त्रालयमा बसिरहेको छ ।

बैठकमा प्रहरी महानिरीक्षक धीरजप्रताप सिंह‚ सशस्त्र प्रहरी महानिरीक्षक राजु अर्याल राष्ट्रिय अनुसन्धान विभागका प्रमुख यदुलाल खरेल र नेपाली सेनाका बलाधीकृत रथी बालकृष्ण कार्कीसहितका सुरक्षा अधिकारी सहभागी छन् । आगामी निर्वाचन तयारीका लागि बसेको यो पहिलो बैठक हो ।

सरकारले मंसिर ४ का लागि प्रतिनिधिसभा र प्रदेश सभाका लागि निर्वाचन मिति घोषणा गरिसकेको छ । मिति घोषणा भएसँगै चारैवटा सुरक्षा निकायले आ-आफ्नो तर्फबाट निर्वाचन सुरक्षा तथा साधन स्रोत र जनशक्ति व्यवस्थापनसम्बन्धी कार्ययोजना बनाइसकेका छन् । सोही कार्ययोजना केन्द्रीय सुरक्षा समितिको बैठकमा पेस गरिएको छ ।

निर्वाचनमा चारवटै सुरक्षा निकायका पौने २ लाख सुरक्षाकर्मी र १ लाख २० हजार म्यादी प्रहरी खटाउने गरी प्रारम्भिक सुरक्षा कार्ययोजना बनेको छ ।

उक्त कार्ययोजनालाई सुरक्षा बैठकबाट पारित गराएर त्यहीअनुसारको जनशक्ति परिचालनको योजना तर्जुमा गर्ने गृहको तयारी रहेको छ । सेना‚ प्रहरी र सशस्त्रले चुनावका लागि सवारी‚ सञ्चार उपकरण‚ हातहतियार तथा अन्य बन्दोबस्तीका सामग्री तथा चुनावमा खट्ने जनशक्तिका लागि भत्तालगायतका सेवासुविधाको खाकासमेत बनाइसकेका छन् । यसलाई केन्द्रीय सुरक्षा समिति बैठकले अनुमोदन गरेपछि निर्वाचन आयोगमा थप छलफल गरिनेछ ।

प्रकाशित : श्रावण ३०, २०७९ १०:५१
पूरा पढ्नुहोस्
प्रतिक्रिया
पठाउनुहोस्
x
×