सुन्दरीजलमा १६ वर्षीय किशोर बेपत्ता- उपत्यका - कान्तिपुर समाचार

सुन्दरीजलमा १६ वर्षीय किशोर बेपत्ता

कान्तिपुर संवाददाता

काठमाडौँ — काठमाडौंको सुन्दरीजलस्थित सुन्दरीजल खोलामा खसेर शनिबार दिउँसोदेखि एक किशोर बेपत्ता भएका छन् । सिन्धुपाल्चोक स्थायी घर भई कपन बस्दै आएका १६ वर्षीय शुभम श्री प्रधान दिउँसो ३ बजेदेखि बेपत्ता भएको प्रहरीले जनाएको छ ।

सात जनाको समूहमा सुन्दरीजल घुम्न गएका शुभमलाई फोटो खिच्ने क्रममा खसेको सामान टिप्न खोज्दा चिप्लिएर खोलाले बगाएको महानगरीय प्रहरी प्रभाग सुन्दरीजलका प्रहरी नायब निरीक्षक धिरेन्द्र थपलियाले इकान्तिपुरलाई जानकारी दिए ।

शुभम एसईईको परीक्षा दिएर नतिजाको पर्खाइमा रहेको पनि प्रहरीको प्रारम्भिक अनुसन्धानबाट खुलेको छ । साथै उनी कपन वडा नं १२ मा परिवारका साथ बस्दै आएका हुन् ।

प्रनाउ थपलियाका अनुसार शुभमका परिवार र आफन्तसहित स्थानीयहरूले शनिबार साँझ अवेरसम्म उनको खोजी गरिरहेका छन् ।

प्रकाशित : श्रावण ७, २०७९ १९:४६
प्रतिक्रिया
पठाउनुहोस्

स्वास्थ्यमन्त्री खापुङ अस्पताल भर्ना

कान्तिपुर संवाददाता

काठमाडौँ — स्वास्थ्य तथा जनसंख्यामन्त्री भवानीप्रसाद खापुङ अस्वस्थ भएका छन् । मधुमेह बढेपछि उपचारका लागि उनलाई वीर अस्पतालमा भर्ना गरिएको मन्त्रीका स्वीकयसचिव मनोज लिम्बूले जानकारी दिए ।

वीर अस्पतालका निमित्त प्रमुख प्रशासकीय अधिकारी डा भूपेन्द्र बस्नेतले चक्कर र बान्ता आएपछि उपचारका लागि स्वास्थ्यमन्त्री खापुङ अस्पताल भर्ना भएको बताए । उनका अनुसार मन्त्री खापुङको अहिले वीरको इमर्जेन्सी वार्डमा उपचार भइरहेको छ । 'उहाँको प्रारम्भिक जाँच गरिएको छ । स्वास्थ्य अवस्था पनि राम्रो छ', डा बस्नेतले भने, 'जाँचको रिर्पोट आएपछि के रहेछ भन्ने थाहा हुन्छ ।'


प्रकाशित : श्रावण ७, २०७९ १९:३८
पूरा पढ्नुहोस्
प्रतिक्रिया
पठाउनुहोस्
x
×