पर्खाल भत्किएर पुरिँदा वृद्धाको मृत्यु
भक्तपुर — भक्तपुरको सूर्यविनायक नगरपालिका–१० चित्तपोल लाकुलीस्थित पर्खाल भत्किएर पुरिँदा ६६ वर्षीया नारायणदेवी थापाको मृत्यु भएको छ ।
प्रहरीका अनुसार लगातारको वर्षाका कारण बुधबार साँझ स्थानीय कान्छा श्रेष्ठको घरको आगनमा लगाइएको १२ फिट अग्लो कच्ची पर्खाल भत्किएर पर्खालमुनि हिँडिरहेकी थापा पुरिएकी थिइन् ।
थापाको घटनास्थलमै मृत्यु भएको भक्तपुर प्रहरी प्रवक्ता डीएसपी राजु पाण्डेले बताए । घटनाको विषयमा प्रहरी वृत्त जगातीबाट थप अनुसन्धान भइरहेको बताइएको छ ।
प्रकाशित : असार १५, २०७९ १९:४२प्रतिक्रिया