शोभा प्रधानको अन्त्येष्टि - उपत्यका - कान्तिपुर समाचार
कान्तिपुर वेबसाईट
AdvertisementAdvertisement

शोभा प्रधानको अन्त्येष्टि 

कान्तिपुर संवाददाता

काठमाडौँ — नेपाल मजदुर किसान पार्टी (नेमकिपा) का अध्यक्ष नारायणमान बिजुक्छेंकी पत्नी शोभा प्रधानको शुक्रबार अन्त्येष्टि गरिएको छ । ललितपुर हरिसिद्धिस्थित नेपाल क्यान्सर अस्पतालमा  बुधबार दिउँसो निधन भएकी प्रधानको शुक्रबार भक्तपुरको हनुमानघाटमा अन्त्येष्टि गरिएको हो । त्यसअघि सिद्वपोखरीबाट सुरु भएको शवयात्रामा हजारौंको सहभागी थिए । 

शोभा प्रधानको शवयात्रा । तस्बिर सौजन्य : सरोजराज गोसाईं

रामेछाप ठोसेमा जन्मिएकी ६२ वर्षीया प्रधान क्यान्सरबाट पीडित थिइन् । नेता बिजुक्छेंसँग प्रधानको २०४० मंसिर ११ गते विवाह भएको थियो । उनीहरूको सुवेग र सुवान गरी दुई छोरा छन् । शिक्षण पेसामा आबद्व प्रधान नेमकिपाको नेपाल क्रान्तिकारी महिला संघको कोषाध्यक्ष थिइन् । पहिलोपल्ट क्यान्सरमुक्त भएकी प्रधान क्यान्सर दोहोरिएपछि थलिएकी थिइन् ।

नेमकिपा केन्द्रीय समिति र नेपाल क्रान्तिकारी महिला संघले विज्ञप्ति निकालेर प्रधानको निधन दु:ख व्यक्त गरेका छन् ।


प्रकाशित : असार १०, २०७९ २१:२४
प्रतिक्रिया
पठाउनुहोस्

पत्नीको हत्या आरोपमा पक्राउ

वीरेन्द्र केसी

अर्घाखाँची — मालारानी गाउँपालिका–२ डाँडाकटेरीस्थित आफ्नै पत्नीको हत्या आरोपमा २७ वर्षीय कमल भुसाल पक्राउ परेका छन् ।

२७ वर्षीया सरु भट्टराई भुसालको हत्या गरेको आरोपमा शुक्रबार दिउँसो उनका पति कमल पक्राउ परेका हुन् । घर नजिकैको साही टोला भन्ने ठाउँमा घाँस दाउरा काट्न गएको बेला कमलले श्रीमतिको हत्या गरेको प्रहरीको अनुसन्धानबाट खुलेको निमित्त प्रहरी नायव उपरीक्षक अर्जुन पौडेलले बताए ।

प्रहरीका अनुसार खर्‍यानमा घाँस, दाउरा काट्न भन्दै श्रीमान–श्रीमति घरबाट हिँडेका थिए । कमलले कम्मरमा बाँधेको रुमालले सरुको घाँटी च्यापेर हत्या गरेर खोल्सामा स्याउलाले ढाकेर छाडेको प्रहरीको अनुसन्धानमा खुलेको छ ।

कमल अहिले इलाका प्रहरी कार्यालय खनको नियन्त्रणमा छन् । कमल र सरुले दुई वर्षअघि विवाह गरेका थिए । उनीहरूको एक वर्षको एक छोरा छन् । घटनाको कारणबारे थप अनुसन्धान भइरहेको प्रहरी नायव उपरीक्षक पौडेलले बताए ।

प्रकाशित : असार १०, २०७९ २०:२९
पूरा पढ्नुहोस्
प्रतिक्रिया
पठाउनुहोस्
×