यौन दुर्व्यवहारको आरोपमा पक्राउ परेका दुई शिक्षक थुनामा- उपत्यका - कान्तिपुर समाचार

यौन दुर्व्यवहारको आरोपमा पक्राउ परेका दुई शिक्षक थुनामा

कान्तिपुर संवाददाता

काठमाडौँ — यौन दुर्व्यवहारको आरोपमा पक्राउ परेका सेन्ट लरेन्स कलेजका दुई शिक्षक पुर्पक्षका लागि कारागार चलान भएका छन् । 

जिल्ला अदालत काठमाडौंले मंगलबार कलेजका को–अर्डिनेटर काभ्रेपलाञ्चोक भुम्लु गाउँपालिका–१ घर भई कागेश्वरी मनोहरा नगरपालिका–८ बस्ने ४७ जनार्दन अधिकारी र शिक्षक कागेश्वरी मनोहरा–७ का ५१ वर्षीय राजनकुमार पौडेललाई पुर्पक्षमा थुनामा राख्न आदेश दिएको काठमाडौं प्रहरी परिसरले जनाएको छ । गत जेठ १० गते काठमाडौं महानगर–७ चाबहिलस्थित सेन्ट लरेन्स कलेजको कोर्ष को–अर्डिनेटर अधिकारी र शिक्षक पौडेल विद्यार्थीहरुमाथि यौन दुर्व्यवहारको आरोपमा पक्राउ परेका थिए ।

सेन्ट लरेन्स कलेजमा अध्ययनरत विद्यार्थीका अभिभावकले नाबालिका छोरीहरुलाई यौन दुर्व्यवहार गरेको भन्दै प्रहरी वृत्त गौशालामा जाहेरी दिएका थिए । कोर्ष को–अर्डिनेटर अधिकारी र शिक्षक पौडेलउपर मुलुकीअपराध (संहिता) ऐन, २०७४ को परिच्छेद–१८ को दफा २२५ को बाल यौनदुरुपयोग गर्न नहुनेसम्बन्धी कसूर मुद्दामा अदालतबाट पुर्पक्षका लागि डिल्लीबजार कारागार पठाउने आदेश दिएको हो ।


प्रकाशित : असार ७, २०७९ २०:०८
प्रतिक्रिया
पठाउनुहोस्

श्रीलंकाबाट नेपाल सर्‍यो विश्व बैंकको उपक्षेत्रीय कार्यालय

कान्तिपुर संवाददाता

काठमाडौँ — विश्व बैंकको उपक्षेत्रीय कार्यालय श्रीलंकाबाट नेपालमा सरेको छ । अर्थमन्त्री जनार्दन शर्मा र विश्व बैंक प्रबन्ध निर्देशक मारी अल्का मान्जेस्तुले काठमाडौं दरबारमार्गमा रहने नेपालस्थित कार्यालयको संयूक्त रुपमा उद्घाटन गरे । यो कार्यालयको उद्घाटनपश्चात् श्रीलंकामा अवस्थित उपक्षेत्रीय कार्यालय विधिवत् रुपमा नेपालमा सरेको हो ।

अब यहीं कार्यालयबाट नेपाल, माल्दिभ्स र श्रीलंकाको कार्य संचालन हुनेछ । नयाँ उपक्षेत्रीय कार्यालयको निर्माण अन्तर्राष्ट्रिय मापदण्डमा आधारित भई सम्पन्न गरेको विश्व बैंकले जनाएको छ ।नयाँ उपक्षेत्रीय कार्यालयको उद्घाटन गर्दै अर्थमन्त्री शर्माले नेपालको विकास प्रयासमा विश्व बैंक लामो समयदेखि भरपर्दो साझेदारका रुपमा रहेको बताए ।

‘विश्व बैंकले वित्तीय स्रोतलगायत ज्ञान, अनुभव र विश्वव्यापी असल अभ्यास पनि आदान प्रदान गर्दछ । विश्व बैंक अनुभवी र विषय विज्ञले भरिएको संस्थाका रुपमा चिनिँदै आएको छ’ उनले भने ‘त्यसको लाभ नेपालले पनि लिने विश्वास छ ।’ सन् १९६९ मा विश्व बैंकबाट नेपालले पहिलो पटक १७ लाख अमेरिकी डलर बराबरको सहयोग लिएकोमा हाल ३ अर्ब अमेरिकी डलर बराबर पुगेको छ । विश्व बैंकले नेपालका २५ आयोजनाहरुमा सहयोग गरेको छ । विश्व बैंक अन्तर्गतको अन्तर्राष्ट्रिय वित्त निगमले सन् २००७ देखि नै नेपालमा काम सुरु गरेको हो ।

प्रकाशित : असार ७, २०७९ २०:०७
पूरा पढ्नुहोस्
प्रतिक्रिया
पठाउनुहोस्
×