पेट्रोलियम पदार्थको मूल्यवृद्धिको विरोधमा राप्रयु संघको मसाल जुलुस
काठमाडौँ — पेट्रोलियम पदार्थको मूल्यवृद्धिको विरोधमा राष्ट्रिय प्रजातान्त्रिक युवा संगठनले काठमाडौंमा मंगलबार साँझ मसाल जुलुस आयोजना गरेको छ ।
भृकुटीमण्डपबाट सुरु भएको मसाल जुलुस भद्रकाली, सुन्धारा हुँदै रत्नपार्कमा पुगेर समाप्त भएको थियो ।
नेपाल आयल निगमले पछिल्लो पटक पेट्रोलमा २१, मट्टितेल र डिजेलमा २७/२७ रुपैयाँ वृद्धि गरेपछि राजनीतिक दलहरुका भ्रातृ संगठनहरुले विरोध गर्दै आएका छन् ।
हाल पेट्रोलको मूल्य १ सय ९९, डिजेल तथा मट्टीतेलको मूल्य १ सय ९२ पुगेको छ ।