एक वर्षमा काठमाडौं महानगरका सार्वजनिक जग्गामा २५ वटा पार्क निर्माण
काठमाडौँ — काठमाडौं महानगरपालिकामा आर्थिक वर्ष ०७८/०७९ मा महानगरका सार्वजनिक जग्गामा २५ वटा पार्क निर्माण भएका छन् । नीति तथा कार्यक्रम सार्वजनिक गर्दै मेयर बालेन्द्र शाहले २२ वटा पार्क निर्माणाधीन पनि रहेको बताए ।
सो आर्थिक वर्षमा ३ वटा वडा कार्यालयको भवन निर्माण सम्पन्न भएका छन् । वडा नम्बर ६, २१, २२ को भवन निर्माण सम्पन्न भएको मेयर बालेन्द्र शाहले बताए । यस्तै, वडा नम्बर १२ र ३१ को भवन निर्माण कार्य अन्तिम अवस्थामा रहेको उनले बताए ।
यस्तै, ३ वटा दमकल पनि खरिद गरिएको उनले जानकारी दिए । सेवामा थप प्रभावकारी बनाउन ६ वटा सहकारी एकीकरण भएका छन् । काष्ठमाण्डप पुनर्निर्माण कार्य सम्पन्न भएको र साढे १६ किलोमिटर सडक कालोपत्रे भएको उनले जनाए ।
प्रकाशित : असार ५, २०७९ १९:४१प्रतिक्रिया