काठमाडौँ — ललितपुर महानगरपालिका–८ बालकुमारीबाट पेस्तोलसहित दुई जनालाई प्रहरीले पक्राउ गरेको छ । पक्राउ पर्नेहरुमा सर्लाही लालबन्दी नगरपालिका १५ का २० वर्षीय सुरेन्द्र थिङ र ३९ वर्षीय वीरबहादुर बम्जन छन् ।
प्रहरी परिसर ललितपुरले उनीहरुको साथबाट ‘मेड इनयूएसए’ लेखिएको अटोमेटिक पेस्तोल १ थान, म्याग्जिङ २ थान र गोली ४ राउन्ड बरामद गरेको एसपी शिद्धिविक्रम शाहले बताए ।
उदयपुर — उदयपुरको त्रियुगा नगरपालिका – १२ का एक युवकको मृत अवस्थामा शव फेला परेको छ । तीन दिनदेखि हराइरहेका २८ वर्षीय मनोज सदाको शव निमुवा दोभानमा भेटिएको हो ।
स्थानीय दिपनारायण सदाका छोरा मनोज तीन दिनदेखि घरबाटै हराएर वेपत्ता भएका थिए । खोजतलास गर्ने क्रममा बिहीबार त्रियुगा नगरपालिका –२ सनुवाखोलास्थित निमुवा दोभानमा मृत अवस्थामा फेला परेको जिल्ला प्रहरी कार्यालय उदयपुरका निमित्त सूचना अधिकारी प्रहरी निरीक्षक मोहन थापाले जानकारी दिए ।
शवलाई कानुनी प्रक्रिया पूरा गरी पोष्टमार्टमका लागि अहिले जिल्ला अस्पताल ल्याइएको छ । घटनाको थप अनुसन्धान भइरहेको प्रहरीले जनाएको छ ।
प्रकाशित : जेष्ठ १२, २०७९ १८:२६
