भक्तपुरका १९ वडाको परिणाम : नेमकिपा १०, कांग्रेस ६ र एमाले ३ वडामा विजयी- उपत्यका - कान्तिपुर समाचार

भक्तपुरका १९ वडाको परिणाम : नेमकिपा १०, कांग्रेस ६ र एमाले ३ वडामा विजयी

कान्तिपुर संवाददाता

भक्तपुर — भक्तपुरका १९ वडाको अन्तिम परिणाम आएको छ ।  अहिलेसम्मको परिणामअनुसार नेपाल मजदुर किसान पार्टी (नेमकिपा)ले भक्तपुर नगरपालिकाको मेयर/उपमेयरसहित १० वटै वडामा जितेको छ । नेपाली कांग्रेसले ६ र नेकपा एमालेले ३ वटा वडामा जितेको छ । 

कांग्रेसले मध्यपुरथिमि नगरपालिकाको वडा नम्बर १, २ र ३ मा जितेको छ भने नेकपा एमालेले वडा नम्बर ४ मा जितेको छ ।

सुर्यविनायक नगरपालिका-१ मा एमाले र २ मा कांग्रेसका उम्मेदवार विजयी भएका छन् ।

त्यस्तै, चाँगुनारायण नगरपालिका- १ र २ मा कांग्रेस र ३ मा पुन: एमालेका उम्मेदवार विजयी भएका छन् ।





प्रकाशित : जेष्ठ २, २०७९ १३:०३
प्रतिक्रिया
पठाउनुहोस्

काठमाडौंमा वालेन्द्रको निरन्तरता अग्रता

कान्तिपुर संवाददाता

काठमाडौँ — काठमाडौं महानगपालिकाको जारी मत गणनामा मेयर पदमा स्वतन्त्र उम्मेदवार वालेन्द्र साहले अग्रता लिएका छन् । उनले ६ हजार ८ सय ९३ मत ल्याएर नेकपा एमाले र नेपाली कांग्रेसका उम्मेदवारहरूलाई पछि पारेका छन् ।

एमालेका केशव स्थापितले ३ हजार ६ सय ४४ मत ल्याएर साहलाई पछ्याइरहेका छन् । यस्तै, कांग्रेसकी गठबन्धनको तर्फबाट मेयरको उम्मेदवार सिर्जना सिंहले ३ हजार २०८ ल्याएकी छन् ।

हालसम्मको मत परिणामअनुसार साहले मेयर पदमा ल्याएको मत कांग्रेस र एमालेले ल्याएको कुल मतभन्दा बढी देखिएको छ । स्थापित र सिंहको मत जोड्दा ६ हजार ८ सय ५२ छ । यो मत साह एक्लैले ल्याएको मतभन्दा ४१ मतले कम हो ।

प्रकाशित : जेष्ठ २, २०७९ १३:०३
पूरा पढ्नुहोस्
प्रतिक्रिया
पठाउनुहोस्
×