सुनौलो रंगको कछुवासहित एक जना पक्राउ
काठमाडौँ — सुनौलो रंगको कछुवासहित प्रहरीले चाबहिलस्थित एक होटलबाट एक जनालाई पक्राउ गरेको छ । पक्राउ पर्नेमा कीर्तिपुर घरभई शंखरापुर साँखु बस्ने २३ वर्षीय आशिष थापा घर्ती छन् ।
चाबहिल क्षेत्रमा दुर्लभ वन्यजन्तु खैरो रंगको कछुवाको २० लाख रुपैयाँमा अवैध कारोबार हुँदैछ भन्ने सूचनाका आधारमा काठमाडौं उपत्यका अपराध अनुसन्धान कार्यालय मीनभवनबाट खटिएको प्रहरी टोलीले पक्राउ गरेको हो ।
काठमाडौं चाबहिलस्थित खोटाङ हलेसी गेस्ट हाउसको चौथो तलाबाट घर्तीलाई सुनौलो रंगको कछुवासहित पक्राउ गरी बिहीबार जिल्ला वन कार्यालय हात्तिसार पठाएको कार्यालयका प्रवक्ता एसपी कृष्णप्रसाद कोइरालाले बताए ।
प्रकाशित : वैशाख २२, २०७९ १९:०४