५३ किलो अवैध गाँजासहित ३ जना पक्राउ
भक्तपुर — भक्तपुर प्रहरीले अवैध गाँजासहित ३ जनालाई पक्राउ गरेको छ । प्रहरीका अनुसार बिहीबार चेकजाँचका क्रममा ५६ ग्राम गाँजासहित भक्तपुर नगरपालिका–७ खसीबजारस्थित शंकास्पद अवस्थामा भेलुखेलका ३७ वर्षीय लक्ष्मीनारायण देउला पक्राउ परे ।
देउलालाई पक्राउ गरी अनुसन्धानको क्रममा प्रहरीले शुक्रबार करिब ५३ किलो अवैध गाँजासहित दुई जनालाई पक्राउ गरेको महानगरीय प्रहरी परिसर भक्तपुरका प्रवक्ता डीएसपी राजु पाण्डेले बताए ।
यस्तै प्रहरीले सूर्यविनायक नगरपालिका–८ की ५८ वर्षीया प्रिती तामाङलाई ४८ किलो ४५० ग्राम गाँजा र ५२ वर्षीय खड्ग बहादुर तामाङलाई ४ किलो ५२६ ग्राम गाँजा सहित पक्राउ गरेको जनाएको छ ।
प्रकाशित : पुस ३०, २०७८ २१:२८प्रतिक्रिया
