काठमाडौंमा चितुवाको छालासहित ३ पक्राउ - उपत्यका - कान्तिपुर समाचार
कान्तिपुर वेबसाईट
AdvertisementAdvertisement

काठमाडौंमा चितुवाको छालासहित ३ पक्राउ 

कान्तिपुर संवाददाता

काठमाडौँ — काठमाडौं महानगर–९ एयरपोर्टबाट दुर्लभ वन्यजन्तु चितुवाको छालासहित ३ जनालाई प्रहरीले पक्राउ गरेको छ । महानगरीय अपराध महाशाखाका अनुसार पक्राउ पर्नेहरूमा नुवाकोट शिवपुरी गाउँपालिका–२ घर भई गोकर्णेश्वर नगरपालिका–३ बस्ने २८ वर्षीय विशाल तामाङ, ३२ वर्षीय विनोद तामाङ र सोही स्थान बस्ने चितवन राप्ती नगरपालिका–१ का ४२ वर्षीय कामी सिंह स्याङ्तान छन् । 

एयरपोर्ट क्षेत्रमा चितुवाको छाला अवैध रुपमा बिक्री वितरण गर्नका लागि ल्याएको सूचनाको आधारमा महाशाखाको टोलीले बुधबार उनीहरुलाई पक्रेको हो । उनीहरूलाई बरामद २ फिट २ ईन्च लम्बाई र ७ ईन्च चौडाई भएको १ थान चितुवाको छालासहित कारबाहीका लागि जिल्ला वन कार्यालय काठमाडौं पठाइएको महाशाखाले जनाएको छ ।

प्रकाशित : मंसिर १५, २०७८ १८:५०
प्रतिक्रिया
पठाउनुहोस्

६ व्यवसायिक फर्मलाई ४५ हजार जरिवाना

कान्तिपुर संवाददाता

काठमाडौँ — सरसफाइमा ध्यान नदिएको, बिलबिजक जारी नगरेकाे भन्दै वाणिज्य आपूर्ति तथा उपभोक्ता संरक्षण विभागले ६ व्यवसायिक फर्मलाई ४५ हजार रुपैयाँ जरिवाना गरेको छ । काठमाडौं महानगरपालिकामा रहेको प्रदिप जयसवाल, जेन्ट्स भाइब, अक्षर मण्डल कलेक्सन सेन्टर, मकबुल ट्रेडर्स, गुन्जाओ कलेक्सन सेन्टर र शिवचन्द्र मण्डललाई उक्त रकम जरिवाना गरिएको हो ।

बजार अनुगमन गर्ने दायित्व पाएको विभागले मंगलबार गरेको अनुगमनमा ती व्यवसायीलाई अनुगमनस्थलमै जरिवाना गरेको हो । ‘खाद्य वस्तु बिक्री गर्ने प्रदिप जयसवाललाई उपभोक्ता संरक्षण ऐनको दफा ३८ को (घ) तथा ३९, १ (क) अनुसार तत्काल १० हजार रुपैयाँ, रेडिमेड तथा थान कपडा बिक्री गर्ने अक्षर मण्डललाई १० हजार, जुत्ता चप्पलको कारोबार गर्ने जेन्ट्स भाइबलाई ५ हजार रुपैयाँ जरिवाना गरेका छौ,’ विभागका निरीक्षण अधिकृत धनेश्वर पौडेलले भने, ‘रेडिमेड तथा थान कपडा बिक्री गर्ने मकबुललाई पनि ऐनको सोही दफा अनुसार १० हजार, गुन्जाओलाई ५ हजार र शिबचन्द्र मण्डललाई ५ हजार जरिवाना गरेका छौं ।’

प्रकाशित : मंसिर १५, २०७८ १८:४१
पूरा पढ्नुहोस्
प्रतिक्रिया
पठाउनुहोस्
×