मामाको हत्या आरोपी भान्जा समातिए- उपत्यका - कान्तिपुर समाचार

मामाको हत्या आरोपी भान्जा समातिए

कान्तिपुर संवाददाता

काठमाडौँ — मामाको हत्या आरोपमा प्रहरीले भान्जालाई पक्राउ गरेको छ । पक्राउ पर्नेमा धादिङ थाक्रे–४ घर भई चन्द्रागिरि–५ किसिपिडी बस्ने १९ वर्षीय मिलन लुंगेनी मगर छन् ।

महानगरीय अपराध महाशाखाका प्रवक्ता कृष्णप्रसाद कोइरालाका अनुसार बुधबार राति मादक पदार्थ सेवन गर्ने क्रममा झगडा हुँदा मिलनले मामा ३९ वर्षीय राजु पुलामी मगरलाई कुटपिट गरी भागेका थिए । घाइते राजुको बिहीबार उपचारकै क्रममा ट्रमा सेन्टरमा मृत्यु भएको थियो ।

मिलनलाई महाशाखाको टोलीले थाक्रेबाट पक्राउ गरी महानगरीय प्रहरी वृत्त थानकोट पठाएको जनाएको छ । दुवै जना सँगै मजदुरी गर्थे ।


प्रकाशित : मंसिर ११, २०७८ ०७:५५
प्रतिक्रिया
पठाउनुहोस्

चेसमा शीर्ष खेलाडीको अग्रता

कान्तिपुर संवाददाता

काठमाडौँ — जीओ इन्टेरियर फिडे र्‍यापिड रेटिङ चेस प्रतियोगिताको तीन चरण सकिँदा शीर्ष खेलाडी नै अगाडि छन् ।

शुक्रबार फिडे मास्टर मनीष हमाल र क्षितिज भण्डारी, पूर्वराष्ट्रिय च्याम्पियन बद्रीलाल नेपाली, नवीन तण्डुकार र पुण्यमान कर्माचार्यले समान ३ अंक बटुलेका छन् । जगन्नाथ ताम्राकार, राजीव कार्की, सुमन राई, सजिन महर्जन, युवराज पौडेल, योगेश श्रेष्ठ, पूर्णराज खड्का, रञ्जित राई, रामकुमार कार्की, आशिष फुँयाल र धिरेन राईले पनि ३ अंक जोडेका छन् ।

१ सय ५० खेलाडी प्रतिस्पर्धी रहेको प्रतियोगिताका विजेताले १५ हजार, उपविजेताले ८ हजार, तेस्रो हुने खेलाडीले ६ हजार रुपैयाँ पुरस्कार पाउनेछन् । स्विस लिग प्रणालीमा ९ चरणको हुनेछ । दुईदिने स्पर्धा जीओ इन्टेरियर र थापाथली चेस पार्कले आयोजना गरेका हुन् ।

प्रकाशित : मंसिर ११, २०७८ ०७:५५
पूरा पढ्नुहोस्
प्रतिक्रिया
पठाउनुहोस्
×