काठमाडौंबाट गैंडाको खागसहित २ पक्राउ- उपत्यका - कान्तिपुर समाचार
कान्तिपुर वेबसाईट
AdvertisementAdvertisement

काठमाडौंबाट गैंडाको खागसहित २ पक्राउ

कान्तिपुर संवाददाता

काठमाडौँ — काठमाडौं महानगर–९ गैरीगाउँबाट ९ सय ७० ग्राम तौल भएको संरक्षित वन्यजन्तु गैंडाको खाग १ थानसहित २ जनालाई प्रहरीले पक्राउ गरेको छ । पक्राउ पर्नेहरुमा सोलुखुम्बु दुधकोसी गाउँपालिका–६ घरभई स्वयम्भू बस्ने १९ वर्षीय तिलकबहादुर बस्नेत र बागलुङ तमानखोला गाउँपालिका–१ घरभई तार्केश्वर लोकतान्त्रिक चोक बस्ने २८ वर्षीय दिपक गोतामे रहेका छन् ।

उनीहरुलाई महानगरीय अपराध महाशाखाले शुक्रबार पक्राउ गरेको हो । संरक्षित वन्यजन्तु गैंडाको खाग अवैध रुपमा बिक्री भइरहेको भन्ने सूचनाको आधारमा महाशाखाले पक्राउ गरेको जनाएको छ । उनीहरुलाई कारबाहीका लागि वन कार्यालय हात्तीसार काठमाडौं पठाइएको ब्यूरोले जनाएको छ ।

प्रकाशित : कार्तिक ७, २०७८ १९:०३
प्रतिक्रिया
पठाउनुहोस्

दाङमा बस दुर्घटना हुँदा १ जनाको मृत्यु, २१ घाइते

दुर्गालाल केसी

दाङ — घोराही-तुलसीपुर सडक खण्डअन्तर्गत तुलसीपुर उपमहानगरपालिका ६ हात्तीखौवामा आइतबार बेलुका बस दुर्घटना हुँदा एक जनाको मृत्यु भएको छ । २१ जना यात्रु घाइते भएका छन् । 

घोराहीदेखि तुलसीपुरतर्फ जाँदै गरेको ना ६ ख ७६३३ नम्बरको बस पल्टिँदा घोराही उपमहानगरपालिका १० कटुकीका २८ वर्षीय प्रेम परिवारको मृत्यु भएको ईलाका प्रहरी कार्यालय तुलसीपुरका प्रमुख डिएसपी श्यामु अर्यालले बताए । घाइतेको राप्ती प्रादेशिक अस्पताल तुलसीपुरमा उपचार भइरहेको छ ।

प्रहरीका अनुसार बस अनियन्त्रित भई सडकबाट तल खसेको थियो ।

प्रकाशित : कार्तिक ७, २०७८ १८:५२
पूरा पढ्नुहोस्
प्रतिक्रिया
पठाउनुहोस्
×