हत्या अभियोगमा पत्नीसहित ४ पक्राउ

असोज ११ मा गोदावरी–७ देवीचौर सलेनी खोल्सामा राजकुमारको शव फेला परेको थियो । टाउको र घाँटीमा धारिलो हतियार प्रहार गरेको चोटपटक थियो । अलिकति पर्तिर गोदावरी–११ का २८ वर्षीय मनोज सार्की पनि मृत भेटिएका थिए ।

महानगरीय प्रहरी परिसर ललितपुरका प्रवक्ता एसपी प्रज्वल महर्जनका अनुसार घटना अनुसन्धानका क्रममा चार जनालाई पक्राउ गरिएको हो । मृत फेला परेका मनोज पनि राजकुमारको हत्यामा संलग्न रहेको तथ्य भेटिएको प्रहरीको दाबी छ । राजकुमारले मादक पदार्थ सेवन गरी दिनहुँ गर्ने कुटपिटबाट रजिना आजित थिइन् । श्रीमान्को हत्या उनकै योजनामा भएको प्रारम्भिक अनुसन्धानमा खुलेको छ । ‘श्रीमान्को हत्या गर्न ५ हजार रुपैयाँ दिएको देखिन्छ, काम सकेपछि ५० हजार रुपैयाँ दिने भनेको रै’छ,’ एसपी महर्जनले भने । राजकुमारको हत्यापछि भाग्ने क्रममा मनोजको भीरबाट खसेर मृत्यु भएको अनुमान गरेको छ । पक्राउ गरिएका चारै जनाविरुद्ध जिल्ला अदालत ललितपुरबाट म्याद थप गरी आवश्यक अनुसन्धान प्रहरीले जनाएको छ ।