फरार प्रतिवादी १० वर्षपछि पक्राउ

जिल्ला अदालत काठमाडौंको २०७१ वैशाख ५ को फैसलाले ९ वर्ष कैद र पीडितले प्रतिवादीबाट नगद १० लाख रुपैयाँ क्षतिपूर्ति पाउने आदेश दिएको थियो । प्रहरीका अनुसार तामाङले २०६८ कात्तिक २० मा १५ वर्षीया किशोरीलाई राम्रो काम लगाइदिन्छु भन्दै प्रलोभनमा पारेर दोलालघाटबाट लिएर आई कोटेश्वरस्थित शुभलक्ष्मी गेस्ट हाउसको ३०६ नम्बर कोठामा जबरजस्ती करणी गरेका थिए ।

बुधबार पक्राउ परेका तामाङलाई फैसला कार्यान्वयनका लागि जिल्ला अदालत काठमाडौं पठाइएको ब्युरोले जनाएको छ । त्यसैगरी, महानगरीय प्रहरी वृत्त थिमिले जबरजस्ती करणीका फरार कसुरदार सिन्धुली सुनकोसी–४ का २५ वर्षीय मीठाराम धिमाललाई पनि पक्राउ गरेको छ । धिमालले गत साउन १५ मा मध्यपुर थिमि–४ स्थित सिजन गेस्ट हाउसमा लगेर १३ वर्षीया बालिकालाई जबरजस्ती करणी गरेका थिए ।