साहित्यकार केशवमणिको निधन- उपत्यका - कान्तिपुर समाचार
कान्तिपुर वेबसाईट
AdvertisementAdvertisement

साहित्यकार केशवमणिको निधन

कान्तिपुर संवाददाता

काठमाडौँ — साहित्यकार तथा लेखक केशवमणि आचार्य दीक्षितको ८८ वर्षको उमेरमा निधन भएको छ । पछिल्लो समय स्वास–प्रश्वासमा देखिएको समस्यापछि उनलाई नर्भिक अस्पताल भर्ना गरिएको थियो ।

नेपाली राजनीति, पूर्वीय दर्शन तथा इतिहास लेखनमा कलम चलाउँदै आएका केशवमणिको सोमबार निधन भएको छोरा तारकमणि दीक्षितले जानकारी दिए ।

नेपाली भाषाविद् सरदार राममणि आचार्य दीक्षितका कान्छा छोरा केशवमणिले रुपन्देहीमा शिक्षाको उज्यालो छर्न विशेष योगदान गरेका थिए । उनको १८ वटा किताब प्रकाशित भइसकेको छ ।

रुपन्देहीको मणिग्राममा राममणि बहुमुखी क्याम्पस स्थापना गर्न उनको विशेष योगदान थियो । २०५६ सालमा उनले लेखेको ‘बीपी कोइरालाका तीन उपन्यास एक विहङ्गम दृष्टी’ र २०२९ सालमा प्रकासित ‘पुराना सम्झना’ चर्चित बनेका थिए । उनका श्रीमति, दुई छोरा र दुई छोरी छन् ।

प्रकाशित : आश्विन ६, २०७८ १९:०५
प्रतिक्रिया
पठाउनुहोस्

रामेछापमा पहिरोले ३ घर पुरिए

टीकाप्रसाद भट्ट

रामेछाप — अविरल वर्षापछि आएको पहिरोले रामेछाप नगरपालिका १ गोठगाउँमा मंगलबार राति ३ वटा घर पुरिएका छन् । स्थानीय भिमप्रसाद सापकोटा, विष्णुप्रसाद सापकोटा र दधिराम सापकोटाको घर पुरिएका हुन् । 

गोठगाउँ १ को बाहुनटोल रहेका उक्त घरभन्दा माथिबाट पहिरो झरेको थियो । पहिरोले घर र घरभित्र रहेका सम्पूर्ण सामान नष्ट भएका छन् ।

प्रमुख जिल्ला अधिकारी दीपककुमार पहाडीले घटनामा मानवीय क्षति नभएको बताए ।

रामेछाप नगरपालिकाकी उपप्रमुख सिर्जना खड्काले बुधबार पहिरोले क्षतिग्रस्त क्षेत्रको अवलोकन तथा प्राथमिक तहको राहत वितरण गरेकी छन् । रामेछाप नगरपालिकाले थप पहिरोबाट बस्ती जोगाउन पानी तर्काउने कार्य थालेको छ ।

स्थानीय दीपक सापकोटाका अनुसार पीडितहरु छिमेकीको शरण लिएर बसेका छन् ।

प्रकाशित : आश्विन ६, २०७८ १८:४१
पूरा पढ्नुहोस्
प्रतिक्रिया
पठाउनुहोस्
×