भक्तपुर अस्पतालमा ३ जना कोरोना संक्रमितको मृत्यु
भक्तपुर — भक्तपुर अस्पतालमा २४ घण्टाभित्र ३ जना कोरोना संक्रमितको मृत्यु भएको छ ।
अस्पतालकी सुपरिटेन्डेन्ट डा. सुमित्रा गौतमका अनुसार भक्तपुर नगरपालिका–४ का ७८ वर्षीय पुरुष, सूर्यविनायक नगरपालिका–१० का ५६ वर्षीय पुरुष र चाँगुनारायण नगरपालिका–५ की ५५ वर्षीया महिलाको उपचारकै क्रममा मृत्यु भएको हो ।
तीनै जना भेन्टिलेटरमा उपचाररत थिए । योसँगै जिल्लामा कोरोना संक्रमणका कारण मृत्यु हुनेको संख्या ३ सय १३ पुगेको छ ।
प्रकाशित : श्रावण १७, २०७८ १८:०२प्रतिक्रिया