जडीबुटी–साँगा सडकमा ६४ सीसीटीभी क्यामेरा
भक्तपुर — महानगरीय प्रहरी परिसर भक्तपुरले अरनिको राजमार्गअन्तर्गत जडीबुटीदेखि साँगासम्मको करिब १३ किलोमिटर सडकमा ६४ वटा सीसीटीभी क्यामेरा जडान गरेको छ ।
सीसीटीभी जडान समितिका कोषाध्यक्ष नवीन प्रजापतिका अनुसार सूर्यविनायक नगरपालिकाबाट १० लाख र बैंक तथा वित्तीय संस्था, उद्योगी व्यवसायीलगायतबाट गरी ८१ लाख २० हजार रुपैयाँ संकलन भएको थियो ।
जसमध्ये सीसीटीभी क्यामेरालगायत प्राविधिक सामग्री खरिद तथा जडानका लागि करिब ६२ लाख रुपैयाँ खर्च भएको उनले बताए । बाँकी रकम जिल्लाका च्याम्हासिंह, कमलविनायक बसपार्कलगायत स्थानमा सीसीक्यामेरा जडान गरिने उनले जानकारी दिए ।
प्रकाशित : असार १९, २०७८ ०७:३१प्रतिक्रिया