बिस्केटको लिंगो ठड्याइयो 

जात्राको चौथो दिन एवं वर्षको अन्तिम दिन चैत्र मसान्तमा भक्तपुर नगरपालिका तालाक्वस्थित ज्याठा गणेशको मन्दिर परिसरमा स्थानीय प्रजापति समुदायले लिंगो उभ्याइसकेपछि ग:हिटीमा रहेको भैलख खला: जुकेगु अर्थात् भैरवको रथलाई तानेर लयक्व, खला: हुँदै भेलुखेल लगी बाजागाजासहित लिंगो उभ्याइने प्रचलन छ ।

त्यसैगरी, मध्यपुर थिमि नगरपालिका–८ स्थित महालक्ष्मी मन्दिर बोडेमा पनि लिंगो उभ्याइएको छ । कोरोना भाइरस (कोभिड–१९) महामारीलाई बेवास्ता गर्दै सयौंको उपस्थितिमा लिंगो ठड्याइएको छ । गत वर्ष बिस्केट जात्रा औपचारिक पूजामा सीमित गरेको थियो ।