जोशी दम्पतीद्वारा शरीर दानको घोषणा

ललितपुर महानगरपालिकाको कार्यालयमा शुक्रबार सम्पन्न एक समारोहबीच जोशी दम्पतीले आफ्नो शेषपछि किस्ट मेडिकल कलेजलाई अध्ययनका लागि शरीर दान दिने घोषणा गरेका हुन् । संस्कृतिविद् जोशीले एक सय वर्षको उमेर कटिसकेपछि शरीरको अवस्था कस्तो हुँदोरहेछ भन्ने जानकारी चिकित्सा क्षेत्रका विद्यार्थीहरूले अध्ययन गरेर पत्ता लगाऊन् भन्ने उद्देश्यले दान गर्न लागिएको बताए । ‘आफ्नो दीर्घजीवन र ऊर्जाका बारेमा अनुसन्धान गर्न सके चिकित्सा विज्ञान अध्ययनका लागि सहयोगी हुनेछ,’ उनले भने ।