कान्तिपुर वेबसाईट
AdvertisementAdvertisement
२४.१२°C काठमाडौं
काठमाडौंमा वायुको गुणस्तर: १३४

ललितपुर महानगरभित्र तीन ठाउँमा पारदर्शी हरियो बार

पुल्चोक क्याम्पसको उद्घाटन

ललितपुर — ललितपुर महानगरपालिकाले महानगरभित्र तीन ठाउँमा जीर्ण र अग्लो पर्खाल भत्काई पारदर्शी हरियो बार लगाएको छ । जसमध्ये नेपाल इन्जिनियरिङ अध्ययन संस्थान पुल्चोक क्याम्पसको पश्चिमतर्फ (मूल सडकपट्टि ) लगाइएको वारको बुधबार महानगरका प्रमुख चिरीबाबु महर्जन र क्याम्पस प्रमुख प्रा. लक्ष्मण पौडेलले संयुक्त रुपमा उद्घाटन गरे ।

ललितपुर महानगरभित्र तीन ठाउँमा पारदर्शी हरियो बार

आर्थिक वर्ष २०७५/२०७६ को नगर गौरवको आयोजनाअन्तर्गत पुल्चोक क्याम्पस हातामा उक्त वार लगाइएको महानगरले जनाएको छ । ललितपुर महानगरका मेयर महर्जनले क्याम्पस परिसरमा रहेको कलात्मक राणाकालीन पुरानो आनन्द निकेतन दरबार र हरियालीयुक्त बगैंचाको सुन्दरता सबैलाई देखाउन यस्तो बार लगाएको बताए । ‘अग्लो र जीर्ण भवनले सहरको सुन्दरतामा आँच पुगेको थियो,' उनले भने, `भूकम्पको दृष्टिले समेत यी पर्खाल जोखिमपूर्ण थिए ।’पुल्चोक क्याम्पसको यो योजना सम्पन्न गर्नका लागि मूल्य अभिवृद्धि करसहित ५५ लाख २ सय १६ रुपैयाँ लागेको छ ।


उद्घाटन कार्यक्रममा क्याम्पस प्रमुख प्रा. पौडेलले सहरलाई सुन्दर बनाउन अघि सारेको योजनाको प्रशंसा गरे । उनले क्याम्पस परिसरमा रहेको बगैंचालाई अझै व्यवस्थित बनाउने बताए ।

महानगरभित्र अन्य दुई ठाउँ सदर चिडियाखाना अगाडिको फुटबल मैदान वरिपरि करिब एक करोड १२ लाख रूपैयाँ र महालक्ष्मीस्थान नजिकै रहेको राजदल गणसँगैको खेल मैदान वरिपरि करिब ७० लाख रूपैयाँमा र लगाएको महानगर प्रमुख महर्जनले जानकारी दिए ।

प्रकाशित : मंसिर १०, २०७७ १५:४६
प्रतिक्रिया
पठाउनुहोस्
जनताको राय

बैंकमा लगानीयोग्य रकम थुप्रिएर साढे ६ खर्ब नाघेको छ। बैंकहरूले ब्याजदर घटाउँदासमेत कर्जा प्रवाह बढ्न नसक्नुको कारण के हो?