हाते ट्याक्टर दुर्घटना हुँदा कृषकको मृत्यु
भक्तपुर — खेत जोत्ने हाते ट्याक्टर दुर्घटना हुँदा भक्तपुरमा एक जना कृषकको ज्यान गएको छ ।
शनिबार सूर्यविनायक नगरपालिका–८ दार्जिलिङ हाइटमा खेत जोत्ने क्रममा ट्याक्टर दुर्घटना हुँदा ५० वर्षीय कृष्णराम सुवालको मृत्यु भएको प्रहरीले बताएको छ ।
पक्की सडकबाट भिरालो बाटोमा ट्याक्टर गुडाएर ल्याउँदा ट्याक्टर अनियन्त्रित भइ पल्टिँदा दुर्घटना भएको महानगरीय प्रहरी परिसर भक्तपुरका प्रवक्ता डीएसपी दीपक गिरीले बताए ।
दुर्घटनामा गम्भीर घाइते भएका सुवालको उपचारको क्रममा मध्यपुर अस्पतालमा मृत्यु भएको डीएसपी गिरीले बताए ।
प्रकाशित : कार्तिक १५, २०७७ १४:५७प्रतिक्रिया