काठमाडौंको गोलढुंगामा पानी बोक्ने गाडी पल्टियो, ३ जना घाइते
काठमाडौँ — तारकेश्वर नगरपालिका ५ गोलढुंगामा बुधबार दिउँसो पानी बोक्ने गाडी पल्टिँदा ३ जना घाइते भएका छन् ।
महानगरीय प्रहरी वृत्त बालाजुका इन्स्पेक्टर गम्भीरजंग थापाका अनुसार बा २१ च २१३३ नम्बरको पानी बोक्ने गाडी तारकेश्वर-५ गोलढुंगामा अनियन्त्रित भएर पल्टिएको हो । उनले गाडीमा सवार ३ जना घाइते भएको जानकारी दिए ।
घाइतेहरुको उद्धार गरी उपचारका लागि अस्पताल पठाइएको छ ।
प्रकाशित : भाद्र ३१, २०७७ १५:४९प्रतिक्रिया
