काठमाडौं महानगरका मेयर शाक्य कोरोना मुक्त
काठमाडौँ — काठमाडौं महानगरपालिकाका मेयर विद्यासुन्दर शाक्य कोरोना मुक्त भएका छन् । शनिबार स्वाब दिएका मेयर शाक्यको आइतबार कोरोना नेगेटिभ रिपोर्ट आएको उनको सचिवालयले जनाएको छ ।
सचिवालयका मोहन बास्तोलाले भने, 'उहाँले हिजो (शनिबार) स्वाब दिनुभएको थियो । आज नेगेटिभ रिपोर्ट आएको छ । केही दिन निवासमै आरामपछि नियमित काममा फर्किनु हुनेछ ।'
मेयर शाक्यलाई १५ भदौमा कोरोना संक्रमण पुष्टि भएको थियो । शाक्य संक्रमित बनेसँगै केही दिन घरमै आइसोलेसनमा बसेर पत्नी र छोरासहित पाँचतारे होटल सोल्टी क्राउन प्लाजाको आइसोलेसन सेन्टरमा सरेका थिए ।
सम्बन्धित समाचार
प्रकाशित : भाद्र २८, २०७७ १९:४०