चितुवाको छालासहित ७ पक्राउ
भक्तपुर — चितुवाको छालासहित प्रहरीले ७ जनालाई पक्राउ गरेको छ । मंगलबार चाँगुनारायण नगरपालिका–८ सुडालबाट उनीहरुलाई महानगरीय प्रहरी परिसर भक्तपुर र महानगरीय प्रहरी अपराध महाशाखाको टोलीले पक्राउ गरेको हो ।
पक्राउ पर्नेहरुमा रामेछाप सुनपाती गाउँपालिका–५ का १९ वर्षीय कुमार लामा, १७ वर्षीय फुसाङ तामाङ, १८ वर्षीय हिमाल लामा, २१ वर्षीय पासाङ तामाङ, काभ्रेपलाञ्चोक तेमाल गाउँपालिका–९ का २२ वर्षीय सञ्जिव सिंजाली मगर, काभ्रेपलाञ्चोक रोशी गाउँपालिका–१० का वर्षीय दिपेश तामाङ र २३ वर्षीय मिलन मगर छन् ।
उनीहरुको साथबाट १ थान चितुवाको छाला, बा ९० प ६५१० नम्बरको मोटरसाइकल,९ थान मोबाइल बरामद गरिएको भक्तपुर प्रहरी प्रवक्ता डीएसपी दिपक गिरीले बताए ।
प्रकाशित : श्रावण २७, २०७७ १९:५८