भक्तपुर — मध्यपुर थिमि नगरपालिका-६ निकोसेरास्थित युनाइटेड केमिकल प्रालिमा आगलागी भएको छ । सेनिटाइजर, साबुन, हार्डपिक, गिल्सरिन बनाउँदै आएको कारखानामा मंगलबार दिउँसो आगलागी भएको प्रहरीले जनाएको छ ।
आगलागीबाट कारखानाको टहरा पूर्णरुपमा क्षति भएको छ । जुद्ध बारुद यन्त्र भक्तपुर, नेपाल प्रहरी, सशस्त्र प्रहरीको सहयोगमा आगो निभाइएको हो ।
आगलागीबाट ७० लाख रुपैयाँ बराबरको क्षति भएको प्रालिका सञ्चालक अर्जुन श्रेष्ठले बताए ।