भक्तपुरमा ढुंगा प्रहार गरी हत्या

कान्तिपुर संवाददाता

भक्तपुर — भक्तपुर नगरपालिका–४ ग:हिटीस्थित ढुंगा प्रहार गरी एक जनाको हत्या भएको छ । प्रहरीका अनुसार सोमबार बिहान ग:हिटीस्थित सार्वजनिक पाटीमा अन्दाजी ४५ वर्षीय जडीबुटि उपनामले चिनिने कृष्ण तामाङ मृत अवस्थामा फेला परेका हुन् ।

प्रहरीको प्रारम्भिक अनुसन्धानमा सामान्य आपसी विवादमा सिन्धुली तीनपाटन गाउँपालिका घर भइ ग:हिटी बस्ने ३० वर्षीय इन्द्रबहादुर तामाङले ढुंगा प्रहार गरी हत्या गरेको खुलेको छ ।

हत्याको आरोपमा इन्द्रबहादुरलाई प्रहरी नियन्त्रणमा लिइ आवश्यक कारबाही थालेको भक्तपुर प्रहरी प्रवक्ता डीएसपी दिपक गिरीले बताए । इन्द्रबहादुर ग:हिटीमा ज्याला मजदुरी गर्दै आएका थिए ।

मृतक तामाङको टाउको, निधार र चिउडोमा चोट छ । मृतकको शव पोस्टमार्टमका लागि केएमसी अस्पताल दुवाकोटमा पठाइएको डीएसपी गिरीले बताए ।

प्रकाशित : असार १५, २०७७ १३:५९
प्रतिक्रिया
पठाउनुहोस्

१३ वर्षीया छोरी बलात्कार गरेको आरोपमा बाबु पक्राउ

कान्तिपुर संवाददाता

सल्यान — आफ्नै १३ वर्षीया छोरी बलात्कार गरेको आरोपमा शारदा नगरपालिकाका ३९ वर्षीय पुरुषलाई प्रहरीले पक्राउ गरेको छ । उनलाई प्रहरीले आइतबार बेलुकी घरनजिकैबाट पक्राउ गरेको हो ।

घरमा कोही नभएको मौका छोपी ती पुरुषले छोरीलाई बलात्कार गरेको प्रहरीले जनाएको छ । गत वैशाखदेखि विभिन्न त्रासमा पारेर बलात्कार गरेको गोप्य सूचनाका आधारमा पक्राउ गरिएको जिल्ला प्रहरी कार्यालयका प्रहरी नायब उपरीक्षक ढकेन्द्र खतिवडाले बताए । पक्राउ परेका व्यक्तिमाथि जबरजस्ती करणी र हाडनातासम्बन्धी मुद्दा दर्ता गरिएको उनले जानकारी गराए ।

ती व्यक्तिलाई अदालतबाट १० दिनको म्याद थपेर जिल्ला प्रहरी कार्यालयको हिरासतमा राखिएको र थप अनुसन्धान भइरहेको उनले जानकारी दिए ।

काठमाडौंमा आफन्तकहाँ बस्दै आएकी बालिका कोरोना महामारीका कारण सरकारले गरेको लकडाउनको समयमा घर आएकी थिइन् ।

प्रकाशित : असार १५, २०७७ १३:१०
पूरा पढ्नुहोस्
प्रतिक्रिया
पठाउनुहोस्
×