खाली सडक, मौन सहर
काठमाडौँ — कोरोना संक्रमण समुदायमा फैलिने त्रासले दुई हप्ते लकडाउनमा गएको देशसँगै कोलाहलमय राजधानीले नै पनि यतिखेर मौन धारण गरेको छ ।
मानिस निर्मित होहल्लामा प्रकृतिलाई सुन्न बिर्सिइसकेको काठमाडौं सहर यतिखेर चराको आवाज सुन्ने भएको छ । रात-बिहान हरप्रहर कमिलाका ताँती झै सडकमा बगिरहने गाडी पनि अहिले गायब छन् । राधेराधेबाट क्यामेराले हेर्दा भक्तपुरको सल्लाघारीदेखि थिमीचोकसम्मको खाली सडकको संयोजित दृश्य यस्तो देखियो ।
सवारीसाधान र कलकारखानाहरु नचल्दा काठमाडौंमा वायु प्रदुषणको मात्रा पनि स्वाट्टै घटेको समाचारहरु आएका छन् ।
तस्विर/चन्द्रशेखर कार्की
प्रकाशित : चैत्र २३, २०७६ १५:०८