खाली सडक, मौन सहर

चन्द्रशेखर कार्की

काठमाडौँ — कोरोना संक्रमण समुदायमा फैलिने त्रासले दुई हप्ते लकडाउनमा गएको देशसँगै कोलाहलमय राजधानीले नै पनि यतिखेर मौन धारण गरेको छ ।

मानिस निर्मित होहल्लामा प्रकृतिलाई सुन्न बिर्सिइसकेको काठमाडौं सहर यतिखेर चराको आवाज सुन्ने भएको छ । रात-बिहान हरप्रहर कमिलाका ताँती झै सडकमा बगिरहने गाडी पनि अहिले गायब छन् । राधेराधेबाट क्यामेराले हेर्दा भक्तपुरको सल्लाघारीदेखि थिमीचोकसम्मको खाली सडकको संयोजित दृश्य यस्तो देखियो ।


सवारीसाधान र कलकारखानाहरु नचल्दा काठमाडौंमा वायु प्रदुषणको मात्रा पनि स्वाट्टै घटेको समाचारहरु आएका छन् ।


तस्विर/चन्द्रशेखर कार्की

प्रकाशित : चैत्र २३, २०७६ १५:०८
प्रतिक्रिया
पठाउनुहोस्
ADVERTISEMENT
ADVERTISEMENT

महाकाली तरेर नेपाल भित्रने क्रम रोकिएन

भारतमा अलपत्र परेकाहरु निर्बाध रुपमा नेपाल भित्रिइरहँदा कोरोना संक्रमणको जोखिम अझ बढेको छ।
मनोज बडू

दार्चुला — ब्यास गाउँपालिका-४ डोकट नजिक महाकालीमा ढुंगाको साँघु तरेर भारतबाट नेपाल प्रवेश गर्नेको संख्या बढेको छ। लकडाउनका कारण भारतबाट नेपाल प्रवेश गर्ने नाका बन्द भएपछि रोकिएका नेपाली जिल्लाको उत्तरी भेगको भारतीय भूभाग हुँदै ब्यास क्षेत्रबाट नेपाल छिरिरहेका हुन्।

भारतले लिपुलेक जोड्ने सडक निर्माणका क्रममा फुटाएको चट्टानी ढुंगा थुप्रिएपछि महाकाली नदीमा साँघु बनेको छ। उक्त साँघुबाट केही दिनदेखि भारतमा अलपत्र परेकाहरु निर्बाध रुपमा नेपाल भित्रिरहेका हुन्। बस्तीबाट केही टाढा रहेको हुनाले स्थानीय र सुरक्षाकर्मीको निगरानी नभएको बेला उनीहरु आइरहेको ब्यास गाउँपालिकाका निमित्त प्रमुख प्रशासकीय अधिकृत शेखरचन्द्र ओझाले बताए।

दुई-तीन दिनदेखि भारतमा अलपत्र परेका नेपाली कामदार अवैध नाका प्रयोग गरी आएपछि शनिबारबाट प्रहरी र स्थानीयलाई निगरानीका लागि परिचालन गरिएको ओझाको भनाइ छ। बिहीबार राति ब्यास-३ का १७ जना र वडा नं ४ का दुई जना भित्रिएका थिए। त्यसअघि भित्रिएका ब्यासका ६ जना र अन्य ठाउँका २० जनालाई प्रहरीले नियन्त्रणमा लिएको थियो।

अन्य व्यक्ति पनि रातिको समयमा महाकाली तरेको हुन सक्ने सम्भावना रहेको भन्दै शनिबारदेखि सुन्सेरा प्रहरी चौकीका हवल्दारसहित दुई सुरक्षाकर्मी, एक स्वास्थ्यकर्मी र एक जना स्थानीयलाई परिचालन गरेर चौबीसै घन्टा निगरानी गरिएको प्रशासकीय अधिकृत ओझाले जानकारी दिए। यसअघि भारतबाट नेपाल प्रवेश गरेका स्थानीय र बाहिरका मानिसलाई गाउँपालिकाले क्वारेन्टाइनमा राखिएको छ। अहिलेसम्म भारतका विभिन्न ठाउँबाट स्वदेश आएका २४ जना क्वारेन्टाइनमा छन्।

चार दिनअघि उक्त साँघु प्रयोग गरी बैतडी, बझाङलगायत जिल्लाका मानिस नेपाल छिरेपछि प्रहरीले दिनमा महाकाली किनारतिर सुरक्षा गस्ती पठाए पनि राति नेपाल प्रवेश गर्नेको अवस्थाबारे जानकारी छैन। उक्त साँघुबाट करिब २० जना एकैदिन नेपाल प्रवेश गरेका थिए।

नाकाबाट नेपाल प्रवेश गर्ने बढ्न थालेपछि संक्रमणको जोखिम बढाएको स्थानीय मदनसिंह कुँवरले बताए।

प्रकाशित : चैत्र २३, २०७६ १५:०५
पूरा पढ्नुहोस्
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
×