उपत्यकामा ८ सय ९१ सवारीसाधन नियन्त्रणमा 

कान्तिपुर संवाददाता

काठमाडौँ — कोरोना भाइरस (कोभिड–१९) को रोकथामका लागि सरकारले लागू गरेको लकडाउन उल्लंघन गर्ने सवारी साधनलाई महानगरीय ट्राफिक प्रहरी महाशाखाले काठमाडौं उपत्यकाका विभिन्न स्थानबाट नियन्त्रणमा लिएको छ । 

अटेर गरी लकडाउन उल्लंघन गरी सञ्चालन गरेका ७ सय ७० मोटरसाइकल र १ सय २१ चारपांग्रे सवारी गरी ८ सय ९१ सवारी साधनलाई विभिन्न स्थानबाट ट्राफिक प्रहरीले नियन्त्रणमा लिएको महाशाखाका प्रवक्ता एसपी जीवनकुमार श्रेष्ठले बताए । अनावश्यक रुपमा घरबाट सडकमा निस्किएका सर्वसाधारणलाई समेत सम्झाइ–बुझाइ गरी घरमा फर्काइएको उनले बताए ।

अत्यावश्यक सेवा र पासका सवारी साधनमात्रै चल्न पाउने, अन्य सवारी साधनलाई नचलाउन र सर्वसाधारणलाई घरबाट ननिस्कन प्रहरी, स्थानीय तहलगायतले माइकिङ्ग गरेर घरभित्रै बस्न आग्रह गर्दै आएको छ । विश्वव्यापी महामारीको रुपमा फैलिएको कोरोना भाइरस (कोभिड–१९) मुलुकमा फैलिन नदिन सरकारले मङ्गलबारदेखि चैत १८ गते बिहान ६ बजेसम्मका लागि ‘लकडाउन’ गरेको छ ।


प्रकाशित : चैत्र १२, २०७६ १७:३१
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT

कोरोना बिरामी उपचारका लागि आँखा अस्पताल भवन उपलब्ध 

डिल्लीराम खतिवडा

उदयपुर — कोरोना भाइरस (कोभिड–१९) का बिरामी पहिचान र उपचारलाई प्रभावकारी बनाउन भन्दै मदन भण्डारी आँखा अस्पतालको भवन उपलब्ध गराइएको छ ।

जिल्लाभित्रका बिरामीलाई स्थानीयस्तरकै क्‍वारेन्टाइनमा राखेर परीक्षण र उपचार गर्न सहज होस् भन्ने उद्देश्यले नेत्र ज्योति संघ उदयपुरले अस्पतालको तीन तले भवन उपलब्ध गराएको हो । मंगलबार वेलका एक जना र बुधबार चौदण्डीगढी नगरपालिकको २ बिरामीलाई संक्रमणको आशंकामा बीपी कोईराला स्वास्थ्य विज्ञान प्रतिष्ठान धरान पठाइएपछि संघले यस्तो निर्णय गरेको हो ।

जिल्ला जनस्वास्थ्य कार्यालयले मंगलबार नै त्रियुगा नगरपालिका ६ जलजलेका एक युवाको खकार परीक्षणका लागि टेकु पठाएको छ । चारै जना विदेशबाट आएका युवाहरु हुन् । संक्रमण फैलन सक्ने खतरा बढ्दै गएपछि स्थानीय स्तरबाटै उपचार सेवा प्रभाह गर्नका लागि भवन उपलब्ध गराएको संघका सभापति भागवत राउतले बताए ।

अस्पतालको भवन निर्माणको काम सकिएको छ । अस्पतालाई सञ्‍चालमा ल्याउन अझै केही समय लाग्ने भएकाले क्‍वारेनटाइन र आइसोलेसन स्थापना गर्न प्रदेश सरकारलाई उपलब्ध गराउने निर्णय गरीएको अध्यक्ष राउतले बताए ।

प्रकाशित : चैत्र १२, २०७६ १७:२५
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
×