जीपी कोइरालाको दसौं स्मृति दिवसमा मास्क र स्यानीटाइजर वितरण

रासस

काठमाडौँ — कांग्रेसका पूर्वसभापति एवं पूर्वप्रधानमन्त्री गिरिजाप्रसाद कोइरालाको १० औं स्मृति दिवसका अवसरमा माक्स र स्यानीटाइजर वितरण गरिएको छ ।

नेविसंघ स्याङ्जा–काठमाडौँ सम्पर्क समितिले शुक्रबार नयाँ बानेश्वर चोकमा दुई हजार ५०० माक्स र ५० स्यानीटाइजर वितरण गरेको हो । कार्यक्रममा नेविसंघका महामन्त्री बलदेव तिमल्सेनाले विश्वव्यापीरुपमा फैलँदै गएको कोरोना भाइरसबारे आफ्नो संगठनले देशभर जनचेतनामूलक कार्यक्रम सञ्चालन गर्ने बताए । 'कोरोनाको बारेमा सचेतना प्रदान गर्न नेविसङ्घ देशभरका सम्पूर्ण विद्यालय र क्याम्पसमा पुग्छ', उनले भने ।


नेविसङ्घका अर्का महामन्त्री युवराज पाण्डेले कोरोनालाई देखाएर बजारमा अत्यावश्यक वस्तुको कृत्रिम अभाव सिर्जना गर्न नहुने बताए । 'दुःखको बेला हातेमालो गरेर अगाडि बढ्नुपर्छ, कृत्रिम अभाव सिर्जना गर्नेलाई सरकारले तत्काल कारबाही गर्नुपर्छ', उनले भने ।


नेविसङ्घ स्याङ्जा–काठमाडौँ सम्पर्क समिति अध्यक्ष इञ्जिनीयर दीपेन्द्र क्षेत्रीले बजारमा अत्यावश्यक सामग्रीको अभाव हुँदै गएका बेलामा थोरै भए पनि रोकथामका लागि सहयोग पुर्‍याउने उद्देश्यले माक्स वितरण समारोह आयोजना गरिएको बताए । नेविसङ्घ केन्द्रीय समितिले स्व कोइरालाको दसौं स्मृति दिवसका अवसरमा शुक्रबार साँझ २५ जनाभन्दा धेरै मानिस जम्मा नभई देशभरका जिल्ला तथथा क्याम्पस समितिलाई दिप प्रज्वलन गर्न निर्देशन दिएको छ । प्रकाशित : चैत्र ७, २०७६ १६:२८

प्रतिक्रिया
पठाउनुहोस्
ADVERTISEMENT

बन्द धागो कारखाना अब अस्थायी अस्पताल

अमृता अनमोल

बुटवल — रामनगरस्थित औद्योगिक क्षेत्रमा बन्द अवस्थामा रहेको धागो कारखानामा अस्थायी अस्पताल सञ्‍चालन गर्ने भएको छ । कोरोना भाइरस जोखिम कम गर्न र संक्रमित बिरामीलाई लक्षित गरी सय बेडको अस्पताल बनाउन लागिएको हो । 

बुटवल उपमहानगरको अगुवाइमा २४ घण्टाभित्र सञ्‍चालनमा ल्याउने गरी अस्थायी अस्पताल बनाउन बनाउन थालिएको प्रमुख शिवराज सुवेदीले बताए । अस्पताल सञ्‍चालनका लागि आवश्यक बेड यहाँका निजी अस्पतालहरुले उपलब्ध गराउने छन् ।

अस्पताललाई प्राविधिक सहयोग लुम्बिनी प्रादेशिक अस्पतालले गर्ने छ । बिरामीको उपचारमा खटिने चिकित्सक तथा स्वास्थ्यकर्मीको लागि एक सय थान सुरक्षित एप्रोन काठमाडौंबाट ल्याउँदै गरिएको नगरप्रमुखले जानकारी दिए । धागो कारखाना परिसरमा अहिले सरसफाइ, रंगरोगन र पूर्वाधार निर्माण सुरु भएको छ ।

केही शौचालय निर्माण, विद्युत् जडान तथा रङरोगनको काम भइरहेको छ । कारखाना परिसरमा ३० वटा अस्थायी शौचालय बन्ने छन् । ती निर्माण व्यवसायी संघ रुपन्देहीले निर्माण गरिदिने भएको छ ।

प्रकाशित : चैत्र ७, २०७६ १६:१३
पूरा पढ्नुहोस्
प्रतिक्रिया
पठाउनुहोस्
ADVERTISEMENT
×