मोटरसाइकल दुर्घटनामा १ को मृत्यु

रासस

काठमाडौँ — शङ्खरापुर नगरपालिकाको साँखुमा मोटरसाइकल दुर्घटना हुँदा सिन्धुपाल्चोक मेलम्ची नगरपालिका ११ का २४ वर्षीय शिव सुनारको मृत्यु भएको छ । 

ZenTravel

काठमाडौँबाट मेलम्ची जाँदै गरेको बा ६४प ६८०९ नंको मोटरसाइकल साँखु बजार नपुग्दै ओरालोमा दुर्घटनामा परेको हो । उनीसँगै मोटरसाइकलमा सवार सोही ठाउँकै घाइते सागर श्रेष्ठको नारायणटारस्थित शङ्खरापुर अस्पतालमा उपचार भइरहेको महानगरीय प्रहरी प्रभाग साँखुका प्रहरी निरीक्षक गोविन्द पन्थीले जानकारी दिए ।

Meroghar

प्रहरीका अनुसार उक्त मोटरसाइकल नेपाली नम्बरप्लेट र भारतीय नम्बरप्लेट रहेको दुई स्किारपियोमा ठोक्किएर दुर्घटना भएको हो । चाबहिलबाट साँखु जाँदै गरेको बा१६च ८७७० नंको स्कारपियो सडकको बीचमा रोकिराखेको र उक्त स्किारपियोले ढोका खोल्दा मोटरसाइकल ढोकामा ठोक्किएर अनियन्त्रित भई विपरीत दिशाबाट आउँदै गरेको बीआर०६पिडी४०५९ नंको भारतीय स्कारपियोले थप ठक्कर दिएको हुनसक्ने प्रहरीको भनाइ छ ।

प्रहरीले दुवै स्किारपियो चालकलाई नियन्त्रणमा लिएर सोधपुछ गरिरहेको छ ।

प्रकाशित : पुस २९, २०७६ १२:३९
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT

चीनको चिङ्‌घाईमा खाल्डोमा बस खस्यो, ६ जनाको मृत्यु 

एजेन्सी

बेइजिङ — चीनको चिङ्घाई प्रान्तमा बस दुर्घटना हुँदा ६ जनाको मृत्यु भएको छ । १६ जना घाइते भएका छन् । सोमबार बिहान चिङ्घाईको सिनिङ अस्पतालबाहिर सडकका रहेको ठूलो खाल्डोमा परेर बस दुर्घटना भएको हो । 

सडकको बीच भागमा रहेको खाल्डोमा खसेपछि बसमा आगो लागेको थियो । बसकाे अगाडिकाे भाग खाल्डाेमा पसेकाे थियाे भने पछाडिकाे भाग आकाशतिर ठडिएकाे थियाे । चिनियाँ सञ्चारमाध्यमहरुका अनुसार सडकमा रहेको खाल्डोको व्यास १० मिटर रहेको थियो । बसमा कति यात्रु थिए भन्नेबारे केही खुलेको छैन ।
पछिल्लो समय चीनका केही प्रान्तका सडकका ज्यानमारा खाल्डाहरु भएको समाचार आइरहेको छ ।सन् २०१८ मा दाझौ शहरमा खाल्डोमा बस पर्दा ४ जनाको मृत्यु भएको थियो । त्यस्तै सन् २०१३ मा सेन्जेनमा पनि खाल्डोमा बस खस्दा ५ जनाको मृत्य भएको थियो ।

प्रकाशित : पुस २९, २०७६ १२:२५
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
×