चन्द समूहका ११ कार्यकर्ता पक्राउ

कान्तिपुर संवाददाता

काठमाडौँ — नेत्रविक्रम चन्द समूहका ११ कार्यकर्ता पक्राउ परेका छन् । भारतले हालै सार्वजनिक गरेको राजनीतिक नक्सामा नेपालको भू–भाग समेटेको विरोधमा प्रदर्शन गर्नेक्रममा उनीहरुलाई आइतबार माइतीघरबाट प्रहरीले पक्राउ गरेको हो ।

काठमाडौं प्रहरी प्रवक्ता डिएसपी होविन्द्र बोगटीका अनुसार पक्राउ परेका विरुद्ध उच्छृङ्खल गतिविधि गरेको आरोप छ । पक्राउ परेकालाई महानगरीय प्रहरी वृत्त सिंहदरबारको हिरासतमा राखिएको छ ।

विरोध प्रदर्शनका लागि काठमाडौंका ४ सरकारी स्कुलबाट बालबालिकासमेत लगिएको खुलेको छ । बालबालिकालाई प्रदर्शनमा लैजानेको खोजी भइरहेको डिएसपी बोगटीले बताए ।

प्रकाशित : कार्तिक २४, २०७६ १४:२७
ADVERTISEMENT
प्रतिक्रिया
पठाउनुहोस्

सुदूरपश्चिम प्रदेशका राज्यमन्त्री रावलद्वारा राजीनामा

अर्जुन शाह

सुदूरपश्चिम — सुदूरपश्चिम प्रदेशका उद्योग, पर्यटन, वन तथा वातावरण राज्यमन्त्री प्रकाश रावलले पदबाट राजीनामा दिएका छन् ।

आर्थिक अनियमितताको आरोप लागेका राज्यमन्त्री रावलले आइतबार राजीनामा दिएका हुन्। उनीविरुद्ध जिल्ला अदालत कञ्चनपुरमा ठगी तथा कीर्ते मुद्दा दायर भएको छ। साथै सम्पत्ति शुद्धिकरण अनुसन्धान विभागले छानबिन सुरु गरेकोछ।

रावलले आफूमाथि लगाउन खोजिएका आरोप तथा लाञ्छनाको निष्पक्ष तथा तथ्ययुक्त छानबिन सहजता र न्याय स्थापित होस् भन्ने आशयले राजीनामा दिएको प्रतिक्रिया जनाए।

राज्यमन्त्री रावल कञ्चनपुर क्षेत्र नम्बर ३ प्रदेशसभा ‘क’ बाट निर्वाचित नेकपा सांसद हुन्।

प्रकाशित : कार्तिक २४, २०७६ १४:००
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
×