गायक भिटेन पक्राउ 

जनकराज सापकाेटा

काठमाडौँ — 'हामी यस्तै त हो नि ब्रो ...' बोलको र्‍याप गीत गाएर चर्चामा आएका 'भिटेन' भनिने समिर घिसिङलाई महानगरीय प्रहरी अपराध महाशाखाले पक्राउ गरेको छ । 

चर्चामा रहेको उनको गीतमा प्रहरीलाई खिसी गरेको र गाँजा खाने कुरा गरिएको जस्ता सामाजिक मर्यादाविपरीतकोविषयवस्तु रहेको भन्दै उनलाई पक्राउ गरेको महाशाखाले जनाएको छ। महाशाखाका एसएसपी सहकुल थापाले भिटेन पक्राउ परेको र उनीमाथि सार्वजनिक हित विरुद्धको अपराधमा मुद्दा चलाइने तयारी भएको बताए।

प्रहरीले केही दिनअघि मात्रै 'ह्याप्पी तिहार, चिसो बियर...' भन्दै गीत गाएका दुर्गेश थापालाई पनि नियन्त्रणमा लिएर गीतबाट केही शब्द हटाउने सर्तमा छोडीदिएको थियो।

प्रकाशित : कार्तिक ७, २०७६ ११:४६
ADVERTISEMENT
प्रतिक्रिया
पठाउनुहोस्
ADVERTISEMENT

एक्स्काभेटरले किच्दा १ को मृत्यु

तृप्ति शाही

(बैतडी) — एक्स्काभेटरले किच्दा बैतडीमा एक जनाको मृत्यु भएको छ । 

मेलौली नगरपालिका ५ पेलेका ५५ वर्षीय शुक्र सिंह पुजाराको मृत्यु भएको हो । मेलौलीको लामालेक– ढणौन सडकखण्डको पेलेमा एक्सकाभेटरमा सवार रहेका पुजाराको एक्कासी खसेर एक्स्काभेटरले किचेको प्रहरीले जनाएको छ ।

पुजारा घर खन्नको लागि एक्स्काभेटर ल्याउँदै थिए । चालक दशरथचन्द नगरपालिका २ देहीमाडौंका ३० वर्षीय शेरसिंह बोहरा फरार छन् । फरार चालकको खोजी भइहरेको जिल्ला प्रहरी कार्यालय बैतडीले जनाएको छ । घटनाको थप अनुसन्धान भइरहेको जिल्ला प्रहरी प्रवक्ता प्रहरी निरीक्षक किसन चन्दले बताए ।

प्रकाशित : कार्तिक ७, २०७६ ११:३३
पूरा पढ्नुहोस्
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
×